నాపై కొందరు కావాలనే తప్పుడు ప్రచారం చేస్తున్నారు: అజారుద్దీన్

తనపై కొందరు కావాలనే తప్పుడు ప్రచారం చేస్తున్నారని హైదరాబాద్​ క్రికెట్ సంఘం అధ్యక్షుడు అజారుద్దీన్ ఫిర్యాదు చేశారు. ఉప్పల్ పోలీసులు ముగ్గురు వ్యక్తులను అదుపులోకి తీసుకున్నారు.

హైదరాబాద్​ క్రికెట్ అసోసియేషన్​లో వర్గ భేదాలు చోటు చేసుకున్నాయి. తనపై కొందరు తప్పుడు ప్రచారం చేస్తున్నారని హెచ్​సీఏ అధ్యక్షుడు అజారుద్దీన్... మూడు రోజుల క్రితం ఉప్పల్ పోలీసులకు ఫిర్యాదు చేశారు.

అజారుద్దీన్ ఫిర్యాదు మేరకు పోలీసులు ముగ్గురుని అదుపులోకి తీసుకుని విచారిస్తున్నట్లు సీఐ రంగస్వామి తెలిపారు. హెచ్​సీఏలో అజారుద్దీన్ ఏకపక్షంగా వ్యవహరిస్తున్నారని... అసోసియేషన్ సభ్యులు ఆరోపించారు. 2019 సెప్టెంబర్​లో హైదరాబాద్​ క్రికెట్ సంఘం అధ్యక్షుడిగా అజారుద్దీన్ ఎంపికయ్యారు. అప్పటి నుంచి హెచ్​సీఏలోని సభ్యులకు.. ఆయనకు గొడవలు జరుగుతూనే ఉన్నాయి.

ఇదీ చూడండి:అమెరికాలో ఆగని కార్చిచ్చు- వేల ఎకరాలు దగ్ధం