ఏప్రిల్​ నుంచే ఒంటిపూట బడులు: ఆదిమూలపు సురేశ్​

ఏపీలో ఏప్రిల్​ ఒకటో తేదీ నుంచి ఒంటిపూట బడులు ప్రారంభమవుతాయని విద్యాశాఖమంత్రి ఆదిమూలపు సురేశ్ స్పష్టం చేశారు. ఒకటి నుంచి పదో తరగతి వరకు నిర్వహిస్తున్నట్లు వెల్లడించారు. కరోనా కేసుల పెరుగుదల, ఎండల కారణంతోనే ఈ నిర్ణయం తీసుకున్నామని మంత్రి తెలిపారు. ​

ఏపీలోని పాఠశాలల్లో ఏప్రిల్ 1 నుంచి ఒంటిపూట బడులు ప్రారంభంకానున్నట్లు విద్యాశాఖ మంత్రి ఆదిమూలపు సురేశ్‌ తెలిపారు. ఒకటి నుంచి పదో తరగతి విద్యార్థులకు ఒక్కపూటే తరగతులు జరగనున్నట్లు మంత్రి స్పష్టం చేశారు.

ప్రతిరోజు ఉ. 7.45 నుంచి 11.30 వరకు తరగతులు, మధ్యాహ్న భోజనం ఉంటుందని మంత్రి పేర్కొన్నారు. ఎండలు, కరోనా కేసులు పెరుగుతున్న కారణంగా ఈ నిర్ణయం తీసుకున్నట్లు తెలిపారు. పాఠశాలల్లో కొవిడ్ నిబంధనల అమలుపై అధికారులకు మంత్రి ఆదేశాలు జారీ చేశారు.

ఇదీ చదవండి:మిగతా రాష్ట్రాల కంటే తెలంగాణలోనే అద్భుతంగా..: హరీశ్​రావు