'పీసీసీ' ఆశిస్తున్నా.. అందుకే రాజీనామా: అంజన్​ కుమార్​

పీసీసీ అధ్యక్ష పదవి ఆశిస్తున్నట్టు.. నగర కాంగ్రెస్ అధ్యక్షుడు అంజన్​ కుమార్ యాదవ్​ వ్యాఖ్యానించారు. అందుకే రాజీనామా చేసినట్టు ప్రకటించారు. ఎట్టి పరిస్థితుల్లోనూ భాజపాలో చేరేది లేదని స్పష్టం చేశారు.

హైదరాబాద్​ నగర కాంగ్రెస్ అధ్యక్ష పదవికి రాజీనామా చేసినట్టు అంజన్​ కుమార్​ యాదవ్ ప్రకటించారు. పీసీసీ అధ్యక్ష పదవి ఆశిస్తున్నట్టు తన మనసులో మాట చెప్పారు. పదోన్నతి కోసమే రాజీనామా చేసినట్టు వెల్లడించారు. రాజకీయ జీవితమంతా కాంగ్రెస్​తోనేన్న ఆయన.. భాజపాలోకి ఎట్టి పరిస్థితుల్లో వెళ్లనని స్పష్టం చేశారు.

గ్రేటర్​ ఎన్నికల్లో సీట్ల కేటాయింపులో తన ప్రమేయమేమీ లేదని, ప్రతి నియోజకవర్గానికో పెద్ద నాయకుడు ఉన్నాడని ఆవేదన వ్యక్తం చేశారు. ఓటమి అపనింద తనపై పడటం ఇష్టం లేదని వ్యాఖ్యానించారు. సికింద్రాబాద్​, ముషీరాబాద్​ నియోజకవర్గాల్లో మాత్రమే ఎన్నికల బాధ్యతను చూశానని నిస్సాహాయత వెలిబుచ్చారు.

ఇదీ చూడండి:అధికార పార్టీ వైఫల్యాలు ఎండగడతా..: కోమటిరెడ్డి