'తెలుగు, తమిళ ప్రజలు స్నేహపూర్వకంగా మెలగాలి'

తెలంగాణ, తమిళనాడు రాష్ట్రాల మధ్య స్నేహపూర్వక బంధం ఏర్పడాలని రాష్ట్ర గవర్నర్​ తమిళిసై సౌందరరాజన్​ అన్నారు. ఈ దసరా పండుగ రోజున ప్రజలంతా ఆయురారోగ్యాలతో, సుఖసంతోషాలతో ఉండాలని కోరుకున్నారు.

తెలుగు, తమిళ ప్రజల మధ్య స్నేహపూర్వక వాతావరణం ఏర్పడేందుకు తనవంతు కృషి చేస్తానని రాష్ట్ర గవర్నర్​ తమిళిసై సౌందరరాజన్​ అన్నారు. ఆయుధ పూజను పురస్కరించుకుని ఆమె తమిళనాడు వెళ్లారు. ప్రజలంతా ఆనందంగా పండుగ జరుపుకోవాలని కోరుకున్నారు. తను గవర్నర్​గా బాధ్యతలు స్వీకరించేటప్పడికే.. రాజ్​భవన్​లో ప్లాస్టిక్​ వాడకం నిషేధించారని, ప్రధాని మోదీ ఫిట్​ ఇండియా కార్యక్రమంలో భాగంగా రాజ్​భవన్​ ఉద్యోగులకు యోగా శిక్షణ ఇస్తున్నారని పేర్కొన్నారు. తనతో సహా రాజ్​భవన్​లోని అధికారులు, ఉద్యోగులంతా ఉదయాన్నే యోగా చేస్తున్నామని తెలిపారు. ఆయుధ పూజ రోజున స్వరాష్ట్రానికి రావడం సంతోషంగా ఉందన్నారు.

• ఇదీ చూడండి : దసరా ఉత్సవాల్లో ఎమ్మెల్యే అదిరిపోయే స్టెప్పులు..!