భాగ్యనగరంలో ఉన్న బిచ్చగాళ్లను గుర్తించి వారికి పునరావాసం కల్పించటంతో పాటు అర్హులైన వారికి వివిధ రంగాల్లో జీవనోపాధిని కల్పించాలని సిటీ సమన్వయ సమావేశం నిర్ణయించింది. ఇందులో భాగంగా ప్రత్యేక కార్యక్రమాన్ని చేపట్టేందుకు పోలీస్, రెవెన్యూ తదితర విభాగాలతో కలిసి పనిచేయాలని హైదరాబాద్లో జరిగిన సిటీ సమన్వయ సమావేశంలో నిర్ణయించారు.
బిచ్చగాళ్లు ఎక్కడున్నా సమాచారమివ్వండి: జీహెచ్ఎంసీ
హైదరాబాద్ను బెగ్గర్‌ ఫ్రీ సిటీగా చేయాలని సిటీ సమన్వయ సమావేశం నిర్ణయించింది. గ్రేటర్ హైదరాబాద్లో యాచక వృత్తిలో ఉన్న వారిని గుర్తించి వారికి పునరావాసం కల్పించటంతో పాటు అర్హులైన వారికి వివిధ రంగాల్లో జీవనోపాధిని కల్పించనున్నారు.
బిచ్చగాళ్లు ఎక్కడున్నా సమాచారమివ్వండి: జీహెచ్ఎంసీ
నగరంలోని ప్రధాన కూడళ్లు, ప్రార్థన స్థలాల వద్ద యాచకులు ఉంటే వారి సమాచారాన్ని తమకు తెలియజేయాలని జీహెచ్ఎంసీ కమిషనర్ లోకేశ్ కుమార్ కోరారు. గుర్తించిన యాచకులను తగు వైద్య పరీక్షలు నిర్వహించి జీహెచ్‌ఎంసీలో ఉన్న షెల్టర్‌ హోంల్లో ఆశ్రయం కల్పిస్తామన్నారు. తగు శారీరక దారుఢ్యం కలిగిన వారికి స్వయం ఉపాధి అవకాశాలపై ప్రత్యేక శిక్షణ కార్యక్రమాలు ఇప్పిస్తామని కమిషనర్ వెల్లడించారు.
ఇదీ చదవండి:'రామమందిర విరాళాలపై ఎమ్మెల్యే వివాదాస్పద కామెంట్లు'