డిశ్చార్జ్ పిటిషన్​ను ఉపసంహరించుకున్న గాలి జనార్దన్ రెడ్డి

ఓఎంసీ కేసు నుంచి తనను తొలగించాలని ఇటీవల సీబీఐ కోర్టు గాలి జనార్దన్ రెడ్డి దాఖలు చేసిన డిశ్చార్జ్ పిటిషన్​ను ఉపసంహరించుకున్నారు. తదుపరి విచారణను ఈ నెల 25కు న్యాయస్థానం వాయిదా వేసింది.

ఓబుళాపురం మైనింగ్ కంపెనీ అక్రమాల కేసులో గాలి జనార్దన్ రెడ్డి డిశ్చార్జ్ పిటిషన్​ను ఉపసంహరించుకున్నారు. ఓఎంసీ కేసు నుంచి తనను తొలగించాలని ఇటీవల సీబీఐ కోర్టు గాలి జనార్దన్ రెడ్డి డిశ్చార్జ్ పిటిషన్ దాఖలు చేశారు. దానిపై కౌంటరు దాఖలు చేసేందుకు సీబీఐ గడువు కోరింది.

గాలి జనార్దన్ రెడ్డి డిశ్చార్జ్ పిటిషన్​ను వెనక్కి తీసుకోవడానికి అనుమతివ్వాలన్న ఆయన తరఫు న్యాయవాది వాదనను కోర్టు అంగీకరించింది. విశ్రాంత ఐఏఎస్ అధికారి కృపానందం, గాలి జనార్దన్ రెడ్డి పీఏ అలీఖాన్ డిశ్చార్జ్ పిటిషన్లు పెండింగ్​లో ఉన్నాయి. తదుపరి విచారణను ఈ నెల 25కు న్యాయస్థానం వాయిదా వేసింది.

ఇదీ చూడండి:విద్యుత్ ఉద్యోగుల విభజనపై విచారణ వాయిదా