పర్యవేక్షణ లేకపోవడం వల్ల కల్తీ దందా సాగుతోంది: పద్మనాభరెడ్డి

జీహెచ్​ఎంసీలో ఫుడ్​ ఇన్​స్పెక్టర్ల పోస్టులు వెంటనే భర్తీ చేయాలని... సుపరిపాలన వేదిక కార్యదర్శి పద్మనాభరెడ్డి కేటీఆర్​కు లేఖ రాశారు. పర్యవేక్షణ లేకపోవడం వల్ల రసాయనాలతో పండ్లను మాగబెట్టడం, ఆహార పదార్థాల కల్తీ దందా పెద్ద ఎత్తున సాగుతోందన్నారు.

జీహెచ్ఎంసీలో ఖాళీగా ఉన్న ఫుడ్ ఇన్​స్పెక్టర్ల పోస్టులను వెంటనే భర్తీ చేయాలని సుపరిపాలనా వేదిక కార్యదర్శి పద్మనాభరెడ్డి... పురపాలక మంత్రి కేటీఆర్​కు లేఖ రాశారు. ఆహార పదార్థాల కల్తీ, రసాయనాలతో పండ్లను మాగబెడ్తున్నారని... వీటిని నిరోధించడానికి అవసరమైన పర్యవేక్షణ అధికారులు లేకపోవడం వల్ల ఈ దందా పెద్ద ఎత్తున సాగుతోందని ఆయన పేర్కొన్నారు. రసాయనాలను ఉపయోగించి పండ్లను పండించడం పట్ల హైకోర్టు తీవ్రంగా స్పందించినా ప్రభుత్వంలో ఎలాంటి స్పందనా లేదని ఆరోపించారు.

జీహెచ్ఎంసీలో కేవలం ముగ్గురు ఫుడ్ ఇన్​స్పెక్టర్లతో నెట్టుకొస్తున్నారని, 20 మంది ఫుడ్ ఇన్​స్పెక్టర్లను టీఎస్పీఎసీ ద్వారా ఎంపిక చేసినా... నేటికీ వాళ్లకు పోస్టింగులు ఇవ్వలేదనే విషయాన్ని పద్మనాభరెడ్డి గుర్తు చేశారు. కల్తీ పరీక్షలు నియంత్రించే మరో ల్యాబ్​ను ఏర్పాటు చేయాలని, ఫుడ్ ఇన్​స్పెక్టర్లను తొందరగా నియమించాలని మంత్రిని కోరారు.

ఇదీ చూడండి:'ఐదారేళ్లలో ఆయుధ సంపత్తిలోనూ స్వయం సమృద్ధి'