పెద్ద మొత్తంలో విదేశీ మద్యం స్వాధీనం

హైదరాబాద్​లో పెద్ద మొత్తంలో విదేశీ మద్యాన్ని ఆబ్కారీ శాఖ అధికారులు స్వాధీనం చేసుకున్నారు. ముగ్గురిని అదుపులోకి తీసుకొని దర్యాప్తు చేపట్టారు. రూ.19 లక్షల విలువైన మద్యం సీసాలు, రూ.2 లక్షల నగదు, రెండు ద్విచక్రవాహనాలు స్వాధీనం చేసుకున్నారు.

హైదరాబాద్​లో పెద్ద మొత్తంలో విదేశీ మద్యాన్ని ఆబ్కారీ శాఖ స్వాధీనం చేసుకుంది. నాంపల్లిలోని ఓ ట్రావెల్స్‌లో సోదాలు నిర్వహించిన అధికారులు విదేశీ మద్యాన్ని అక్రమంగా రాష్ట్రానికి తీసుకొచ్చినట్లు గుర్తించారు. ఈ కేసులో వెంకటేశ్​ను అదుపులోకి తీసుకున్నట్లు ఎక్సైజ్​ డీసీ వివేకానందరెడ్డి తెలిపారు.

ప్రాథమిక విచారణలో మరో ఇద్దరు అనిల్​, ఖలీద్​ పేర్లు బయటకొచ్చినట్లు పేర్కొన్నారు. వీరిని అదుపులోకి తీసుకొని రూ.19 లక్షలు విలువ చేసే మద్యం సీసాలను, రూ. 2 లక్షల నగదు, రెండు ద్విచక్రవాహనాలను స్వాధీనం చేసుకున్నట్లు వెల్లడించారు. విదేశాల నుంచి వచ్చే ప్రయాణికుల ద్వారా కొంత మొత్తంలో మద్యం అక్రమ రవాణ చేస్తున్నట్లు గుర్తించాలని అధికారులు తెలిపారు. చైన్నై నుంచి పెద్ద మొత్తంలో ప్రైవేటు ట్రావెల్స్​లో తరలిస్తున్నట్లు ప్రాథమిక విచారణలో వెల్లడైనట్లు పేర్కొన్నారు. ప్రధాన నిందితుడు గతంలో రెండుసార్లు అరెస్టయినట్లు తెలిపారు.

ఇవీచూడండి:పొదుపు డబ్బులను దోచుకెళ్లిన దొంగలు