జూబ్లీహిల్స్ కేసులో మరో ఇద్దరు మైనర్లకు కస్టడీ.. నేటి నుంచి విచారించనున్న పోలీసులు

Jubileehills gang rape case: జూబ్లీహిల్స్ అత్యాచారం కేసులో మరో ఇద్దరు మైనర్లకు ఐదు రోజుల కస్టడీకి జువైనల్ జస్టిస్ బోర్డ్ అనుమతించింది. నేటి నుంచి ఈనెల 15 వ తేదీ వరకు మొత్తం ఐదుగురిని కలిసి పోలీసులు ప్రశ్నించనున్నారు. ఈ​ కేసులో మైనర్లను శుక్రవారం నుంచి ఐదు రోజుల పాటు కస్టడీలోకి తీసుకుని ప్రశ్నించాల్సి ఉండగా.. మొదటి రోజు వృథా అయ్యింది.

Jubileehills gang rape case: జూబ్లీహిల్స్ గ్యాంగ్​​ రేప్​ కేసులో నిందితులను నేటి నుంచి ఈనెల 15వ తేదీ వరకు జూబ్లీహిల్స్​ పోలీసులు విచారించనున్నారు. ఈ కేసులో మైనర్లకు ఐదు రోజుల కస్టడీకి జువైనల్ జస్టిస్ బోర్డ్ అనుమతించింది. దీంతో మొత్తం ఐదుగురిని కలిసి పోలీసులు ప్రశ్నించనున్నారు. రాష్ట్రంలో సంచలనం సృష్టించిన జూబ్లీహిల్స్​ మైనర్​ బాలికపై సామూహిక అత్యాచారం కేసులో కీలకమైన మెడికల్ రిపోర్టులు పోలీసులకు చేరాయి. ఈ ఘటనలో బాలిక మెడపై గాయాలైనట్లు వైద్యులు నివేదిక ఇచ్చారు. అత్యాచారం జరిగినట్లు నివేదికలో నిర్ధరించారు. ఈ కేసులో నిందితులైన మైనర్లకు ఐదు రోజుల కస్టడీకి జువైనల్‌ జస్టిస్‌ బోర్డు అనుమతించగా.. మొదటి రోజు వృథా అయ్యింది. శుక్రవారం నుంచే మైనర్లను పోలీసులు కస్టడీలోకి తీసుకుని ప్రశ్నించాల్సి ఉండగా.. అది సాధ్యపడలేదు. ఈ కేసులో ఉన్న ఆరుగురు నిందితుల్లో ఐదుగురు మైనర్లే. ఇందులో ముగ్గురిని శక్రవారం నుంచి ఐదురోజుల పాటు.. జువైనల్ హోమ్‌లోనే న్యాయవాది సమక్షంలో విచారించి వాంగ్మూలం తీసుకోవాలని జువైనల్​ జస్టిస్​ బోర్టు ఆదేశించింది. ఈ మేరకు మధ్యాహ్నం 2 గంటలకు ఏసీపీ నర్సింగరావు సైదాబాద్​లోని జువైనల్ హోంకు చేరుకున్నారు. ప్రత్యేక గదిలో బాలురను ప్రశ్నించేలా అనుమతి ఇవ్వాలని జువైనల్ హోం పర్యవేక్షకుడిని ఏసీపీ కోరారు. జువైనల్ జస్టిస్ బోర్డు ఇచ్చిన ఆదేశాల్లో ఆ విధంగా లేదని... ముగ్గురు మైనర్లను జువైనల్ హోంలో కాకుండా బయటికి తీసుకెళ్లి ప్రశ్నించండని పర్యవేక్షకుడు సూచించారు. జువైనల్ హోంలోనే ప్రశ్నించే విధంగా బోర్డు నుంచి ఆర్డర్ తీసుకొస్తే దానికి అంగీకరిస్తామని పర్యవేక్షకుడు తెలిపారు. చేసేదేమీలేక.. ఏసీపీ నర్సింగరావు అక్కడి నుంచి వెనుదిరిగారు.

ఇదీ చూడండి:జూబ్లీహిల్స్​ రేప్​ కేసుపై ఆర్జీవీ సంచలన వ్యాఖ్యలు

మైనర్​లను పోలీస్​స్టేషన్​లోనే విచారించేందుకు జూబ్లీహిల్స్ పోలీసులు నిర్ణయించారు. ఈ క్రమంలో మొదటి రోజైన నేడు.. మైనర్లను ప్రశ్నించకుండానే ముగిసింది. రేపు ఉదయం 10 గంటలకు ముగ్గురు మైనర్లను జూబ్లీహిల్స్​ పీఎస్‌కు తీసుకెళ్లనున్నారు. పదింటి నుంచి ఐదింటి వరకు పీఎస్‌లోనే మైనర్లను ప్రశ్నించనున్నారు. 5 గంటల తర్వాత తిరిగి జువైనల్ హోమ్‌కి మైనర్లను తరలిస్తారు. ఈనెల 14 వరకు ముగ్గురు మైనర్లను ప్రశ్నించనున్నారు.

మరోవైపు.. ఈ కేసులో ప్రధాన నిందింతుడైన సాదుద్దీన్​ మాలిక్​ను రెండో రోజు పోలీసులు ప్రశ్నించారు. దాదాపు 8 గంటల పాటు సాదుద్దీన్​ను ప్రశ్నించిన పోలీసులు.. అతని నుంచి అత్యాచారానికి సంబంధించి పలు వివరాలు సేకరించారు. సాదుద్దీన్​కు న్యాయస్థానం నాలుగు రోజుల పాటు విచారించేందుకు అనుమతించించగా. నిన్న(జూన్​ 9న) కూడా దాదాపు 5 గంటల పాటు సాదుద్దీన్​ను ప్రశ్నించిన పోలీసులు... అతని నుంచి కొంత సమాచారం సేకరించారు. పబ్​లో పార్టీకి ప్రవేశించినప్పటి నుంచి బాలికపై అత్యాచారం వరకు జరిగిన సంఘటనల గురించి పోలీసులు సాదుద్దీన్ వద్ద ప్రస్తావించారు. అందులో కొన్నింటికి సాదుద్దీన్ సమాధానాలివ్వగా.. మిగతా వాటికి తెలియదని చెప్పాడు.

• ఇదీ చూడండి:జూబ్లీహిల్స్​ ఘటనలానే పాతబస్తీలో ఇంకోటి.. రెండు కేసుల్లోనూ అవన్ని సేమ్!

మైనర్ బాలికను మభ్యపెట్టి కారులో ఎక్కించుకొని సామూహిక అత్యాచారం చేసినట్లు పోలీసులు ప్రాథమికంగా గుర్తించారు. తాము చేసేది తప్పని తెలిసినప్పటికీ ఐదుగురు మైనర్ బాలురు తీవ్ర నేరం చేసినట్లు పోలీసులు భావిస్తున్నారు. నేరాభియోగపత్రం దాఖలు చేసే సమయంలో ఐదుగురు మైనర్ బాలురను కూడా మేజర్లుగా పరిగణించాలని జువైనల్ జస్టిస్ బోర్డును కోరే యోచనలో జూబ్లీహిల్స్ పోలీసులున్నారు. ఈ మేరకు పోలీసులు న్యాయసలహా తీసుకుంటున్నారు.

ఇవీ చూడండి: