తెలంగాణ ఐటీ, పురపాలక శాఖల మంత్రి కేటీఆర్ జన్మదినం సందర్భంగా సినీ, రాజకీయ ప్రముఖులు శుభాకాంక్షలు తెలుపుతున్నారు. ట్విటర్, ఫేస్బుక్, ఇన్స్టాగ్రామ్ వంటి సామాజిక మాధ్యమాల ద్వారా బర్త్ డే విషెస్ చెబుతున్నారు. తెరాస కార్యకర్తలు మొక్కలు నాటుతున్నారు. ట్విటర్లో హ్యాపీ బర్త్ డే కేటీఆర్ అనే హ్యాష్ ట్యాగ్ ట్రెండ్ అవుతోంది.
రాష్ట్ర మంత్రులు ఇంద్రకరణ్ రెడ్డి, పువ్వాడ అజయ్ కుమార్, మల్లారెడ్డి, వేముల ప్రశాంత్ రెడ్డి, గంగుల కమలాకర్, హోంమంత్రి మహమూద్ అలీ ట్విటర్ వేదికగా కేటీఆర్కు విషెస్ చెప్పారు. శాసనసభ సభాపతి పోచారం శ్రీనివాస్ కేటీఆర్కు హృదయ పూర్వక జన్మదిన శుభాకాంక్షలు తెలిపారు. కేటీఆర్ పుట్టినరోజు సందర్భంగా ముక్కోటి వృక్షార్చన కార్యక్రమం నిర్వహిస్తున్నట్లు వెల్లడించారు. ఈ కార్యక్రమంలో భాగంగా మొక్కలు నాటిన పోచారం.. పార్టీలకతీతంగా మొక్కలు నాటేందుకు ముందుకు రావాలని ప్రజలకు పిలుపునిచ్చారు.
మంత్రి కేటీఆర్కు ఆర్థిక శాఖ మంత్రి హరీశ్ రావు, ఎమ్మెల్సీ కల్వకుంట్ల కవిత పుట్టిన రోజు శుభాకాంక్షలు చెప్పారు. హరీశ్రావు ట్వీట్కు కేటీఆర్.. థాంక్యూ బావా అని రిప్లై ఇచ్చారు. కాలేరు వెంకటేశ్, పెద్ది సుదర్శన్ రెడ్డి, హరిప్రియ వంటి పలువురు ఎమ్మెల్యేలు మంత్రికి బర్త్డే విషెస్ తెలిపారు.
రాజకీయ ప్రముఖులే కాకుండా.. సినీ తారలు, దర్శకులు కూడా కేటీఆర్కు శుభాకాంక్షలు తెలిపారు. సూపర్ స్టార్ మహేశ్ బాబు, మాస్మహారాజ రవితేజ, మంచు విష్ణు, చాక్లెట్ బాయ్ రామ్, కమెడియన్ వెన్నెల కిశోర్, బాలీవుడ్ స్టార్.. రియల్ హీరో సోనూసూద్, రంఘనాథన్ మాధవన్, డైరెక్టర్లు బాబీ, అనిల్ రావిపూడి వంటి పలువురు సినీ ప్రముఖులు కేటీఆర్కు విష్ చేశారు.