చిరునవ్వుకు చిరునామా... వేణుమాధవ్

మొదటి సినిమాతోనే పేరు తెచ్చుకుని అనతికాలంలోనే మంచి నటుడిగా ఎదిగిన వేణుమాధవ్​ మరణవార్త విని తీవ్ర దిగ్భ్రాంతికి గురయ్యామని నటులు శివాజీ రాజా, అలీ, ఉత్తేజ్​, సినిమాటోగ్రఫీ శాఖ మంత్రి తలసాని శ్రీనివాస్​యాదవ్​ అన్నారు. యశోద ఆస్పత్రిలో వేణుమాదవ్​ పార్థివ దేహానికి నివాళులర్పించారు.

వేణుమాధవ్​ మంచి నటుడు మాత్రమే కాదు, మానవతావాది కూడాఅని నటుడు శివాజీరాజా అన్నారు. ఎంతో మంది పేదలకు సాయం చేసిన గొప్ప మనిషని ప్రశంసించారు. సినిమాల్లోకి రాకముందు నుంచే వేణు తనకు తెలుసని, ఆయన లేని లోటు తీరనిదని హాస్యనటుడు అలీ అన్నారు. ఎంత కష్టం వచ్చినా.. చిరునవ్వు మాత్రం వదిలేవారు కాదని నటుడు ఉత్తేజ్​ గుర్తుచేసుకున్నారు. వేణుమాధవ్​ మరణం సినీ ప్రపంచానికి తీరని లోటన్నారు. వేణుమాధవ్​ తనకు చిన్నప్పటి నుంచి తెలుసని ఎంతో కష్టపడి సినీరంగంలో అడుగుపెట్టాడని మంత్రి తలసాని శ్రీనివాస్​యాదవ్​ గుర్తు చేసుకున్నారు.

• ఇదీ చూడండి : వినోద 'వేణు' గానం మూగబోయింది