టీపీసీసీ అధ్యక్షుడు రేవంత్​రెడ్డికి అభిమానుల శుభాకాంక్షల వెల్లువ

11:28 June 27

రేవంత్​రెడ్డి ఇంట... కార్యకర్తలు, అభిమానుల కోలాహలం

తెలంగాణ ప్రదేశ్​ కాంగ్రెస్​ కమిటీ నూతన అధ్యక్షునిగా ఎన్నికైన రేవంత్​రెడ్డికి శుభాకాంక్షల వెల్లువ కొనసాగుతోంది. రాష్ట్రవ్యాప్తంగా ఉన్న రేవంత్​ అభిమానులు... హైదరాబాద్​లోని ఆయన నివాసానికి తరలివస్తున్నారు. తమ అభిమాన నేతకు హృదయపూర్వక శుభాకాంక్షలు తెలుపుతున్నారు. కార్యకర్తలు, అభిమానులతో రేవంత్​ నివాసం కోలాహలంగా మారింది. 

తన కోసం రాష్ట్రం నలుమూలల నుంచి తరలివస్తున్న అభిమానులు, పార్టీ కార్యకర్తలను రేవంత్​రెడ్డి కలుసుకున్నారు. అభిమానంతో తెలుపుతున్న శుభాకాంక్షలను చిరునవ్వుతో స్వీకరించారు. పలువురు కార్యకర్తలు వివరిస్తున్న సమస్యలను ఓపిగ్గా విన్నారు. అన్ని సమస్యలను త్వరితగతిన పరిష్కరించుకుందామని భరోసా ఇచ్చారు. ఎల్లప్పుడు అందుబాటులో ఉండి... కార్యకర్తలందరికి అండగా ఉంటానని రేవంత్​ హామీ ఇచ్చారు. కార్యకర్తలు, అభిమానులు తనపై చూపిస్తున్న ప్రేమకు కృతజ్ఞున్ని అని టీపీసీసీ నూతన అధ్యక్షుడు తెలిపారు.

ఇదీ చూడండి: Revanth reddy: స్వతంత్ర జడ్పీటీసీ నుంచి టీపీసీసీ​ అధ్యక్షుడిగా..