మీర్‌పేట్‌లోని చెత్తకుప్పలో పేలుడు.. మహిళకు గాయాలు హైదరాబాద్ మీర్‌పేట్‌లోని చెత్తకుప్పలో పేలుడు సంభవించింది. ఓ మహిళ చెత్త ఎత్తుతున్న సమయంలో పేలుడు చోటు చేసుకున్నట్లు స్థానికులు చెబుతున్నారు. ప్రమాదంలో మహిళ తీవ్రంగా గాయపడింది. వెంటనే బాధితురాలిని ఉస్మానియా ఆస్పత్రికి తరలించారు.
బాంబా.. రసాయనాలు నిల్వ ఉంచిన డబ్బా..?
రసాయనాలు నిల్వ ఉంచిన డబ్బా తెరవడానికి ప్రయత్నించిన సమయంలో ఈ ఘటన జరిగినట్లు పోలీసులు తెలిపారు. సమాచారం తెలుసుకున్న ఎల్బీనగర్ డీసీపీ సన్ప్రీత్ సింగ్, పోలీసులు క్లూస్‌ బృందంతో పేలుడు జరిగిన ప్రాంతాన్ని పరిశీలించారు.
మహిళ స్వస్థలం దేవరకొండ
గాయపడిన మహిళ దేవరకొండకు చెందిన నిర్మలగా గుర్తించారు. గత కొన్ని రోజులుగా కర్మాన్ఘాట్ సింగరేణి కాలనీలో నివసిస్తోంది. చెత్తను అమ్ముకుంటూ జీవనం సాగిస్తున్నట్లు స్థానికులు పేర్కొన్నారు.
ఇదీ చదవండి: భార్య అసహజ కోరికలు.. తీశాయి భర్త ప్రాణాలు!
