'న్యాయమూర్తులపై అసభ్య వ్యాఖ్యలు రాజ్యాంగ ఉల్లంఘనే'

న్యాయమూర్తులపై అసభ్యకర వ్యాఖ్యలు చేయడం కోర్టు ధిక్కరణ కిందకే వస్తుందని మాజీ న్యాయమూర్తి జస్టిస్​ చంద్రకుమార్​ అన్నారు. ఇది ఒక రకంగా రాజ్యాంగ ఉల్లంఘన కిందకు వస్తుందని స్పష్టం చేశారు.

న్యాయస్థానాలకు దురుద్దేశాలు అంటగట్టడం సరికాదని మాజీ న్యాయమూర్తి జస్టిస్​ చంద్రకుమార్​ అన్నారు. కావాలంటే కోర్టు తీర్పులపై పై కోర్టుకు వెళ్లవచ్చని సూచించారు. ప్రతి తీర్పుపైనా అప్పీలు చేసుకునే అవకాశం ఉంటుందన్న ఆయన.. న్యాయమూర్తులపై కామెంట్స్​ చేయడం సరికాదని హితవు పలికారు.

అసభ్యకర వ్యాఖ్యలు చేయడం కోర్టు ధిక్కరణ కిందకు వస్తుందని స్పష్టం చేశారు. ఇది ఒక రకంగా రాజ్యాంగాన్ని ఉల్లంఘించినట్లేనని పేర్కొన్నారు. కోర్టు తీర్పును విమర్శించే హక్కు పౌరులకు ఉందని అన్నారు.

ఇదీ చదవండి:వైకాపా ఎంపీ, మాజీ ఎమ్మెల్యేకు ఏపీ హైకోర్టు నోటీసులు