తెలంగాణ

telangana

ETV Bharat / city

ఈటీవీ భారత్​ - ముఖ్యాంశాలు - etv bharat headline news

etv bharat headline news
etv bharat headline news

By

Published : Aug 11, 2021, 5:54 AM IST

Updated : Aug 11, 2021, 9:35 PM IST

21:29 August 11

టాప్​ న్యూస్​ @10PM 

  • ఇంఛార్జీల నియామకం 

తెలంగాణ ప్రదేశ్​ కాంగ్రెస్ కమిటీ దళిత, గిరిజన ఆత్మగౌరవ దండోరా సభలకు ఇం​ఛార్జీలను నియమించింది. ఈ మేరకు ఇంఛార్జీల జాబితాను కాంగ్రెస్ నేత మహేశ్‌కుమార్‌ గౌడ్‌ విడుదల చేశారు.

  • పార్లమెంట్​ నిరవధిక వాయిదా

పార్లమెంటు ఉభయసభలు నిరవధిక వాయిదా పడ్డాయి. సభ్యుల ఆందోళనల నేపథ్యంలో షెడ్యూల్ కంటే ముందుగానే లోక్​సభ వాయిదా పడగా.. రాజ్యసభను సైతం నిరవధిక వాయిదా వేస్తూ ఛైర్మన్ వెంకయ్యనాయుడు నిర్ణయం తీసుకున్నారు.

  • ఆ ప్రచారంలో నిజమెంత?

సుప్రీంకోర్టు బెంచ్​లను మరో మూడు ప్రాంతాల్లో ఏర్పాటు చేయాలని ప్రభుత్వం నిర్ణయించలేదని ప్రెస్​ ఇన్​ఫర్మేషన్​ బ్యూరో(పీఐబీ) స్పష్టం చేసింది. ఇందుకు సంబంధించి.. సామాజిక మాధ్యమాల్లో జరుగుతున్న ప్రచారం పూర్తి అవాస్తవమని చెప్పింది.

  • భారత్​తో సిరీస్​కు దూరం

ఇంగ్లాండ్ టెస్టు జట్టు స్టార్ పేసర్.. భారత్​తో సిరీస్​ మొత్తానికి దూరమయ్యాడు. అతడికి గాయం కావడమే ఇందుకు ప్రధాన కారణం. ఇంతకీ ఎవరా పేసర్?

  • రూ.11​కే సినిమా చేసిన స్టార్ హీరోయిన్​!

సాధారణంగా ఏ సినిమాకైనా హీరోయిన్లు కోట్ల రూపాయలు డిమాండ్ చేస్తుంటారు. మరికొంత మంది లక్షల్లో అడుగుతారు. కానీ కేవలం 11 రూపాయలకే ఓ స్టార్ హీరోయిన్.. భారీ చిత్రంలో నటించింది. ఇంతకీ ఎవరు ఆమె?

20:50 August 11

టాప్​ న్యూస్​ @9PM 

  • వ్యాపారి హత్య కేసులో పురోగతి

మెదక్​ జిల్లాలోని వెల్దుర్తిలో జరిగిన వ్యక్తితో సహా కారు దహనం కేసులో పోలీసులు లోతుగా దర్యాప్తు చేస్తున్నారు. ఈ కేసులు నేరుగా ముగ్గురికి ప్రమేయం ఉందని గుర్తించిన పోలీసులు.. ఓ ప్రధాన నిందితున్ని అరెస్టు చేసి విచారిస్తున్నారు. అన్ని కోణాల్లో లోతుగా విచారిస్తున్నట్లు మెదక్​ జిల్లా ఎస్పీ చందన దీప్తి వెల్లడించారు.

  • భారత్​ స్థానం ఇదే

ఇంటర్నెట్​ వినియోగం ఈ మధ్య కాలంలో విపరీతంగా పెరిగిపోతోంది. అంతర్జాలం వల్ల ఎన్నో ఉపయోగాలు ఉన్నట్లే.. నీలి చిత్రాల కంటెంట్​ కూడా అధికమవుతోంది. పలు దేశాలు ఎక్కువగా పోర్న్​ను ఉత్పత్తి చేస్తున్నాయి. ఇందులో భారత్ స్థానం ఎంతంటే?

  • ప్రమాద ఘంటికలు 

భూతాపం కారణంగా.. మరికొన్నేళ్లలో భారత్​లోని 12 నగరాలు సముద్ర గర్భంలో కలిసిపోతాయని అమెరికా అంతరిక్ష సంస్థ నాసా వెల్లడించింది. కర్బన ఉద్గారాలు, కాలుష్యాన్ని నివారించకపోతే పెను విపత్తు తప్పదని హెచ్చరించింది.

  • సచిన్​తో ప్రాంక్​

దిగ్గజ సచిన్​తో తాను గతంలో చేసిన ప్రాంక్​​.. ఫెయిలైందని, దాంతో సచిన్ అభిమానులు తనను చంపేస్తారని అనుకున్నట్లు వెల్లడించాడు. ఇంతకీ ఎవరా క్రికెటర్​. ఏమైంది?

  • ఒక్కో సినిమాకు ఎంతంటే..?

తమ విభిన్నమైన మ్యూజిక్​తో సంగీత ప్రియులను మ్యాజిక్ చేసే సంగీత దర్శకులు సౌత్ ఫిల్మ్​ ఇండస్ట్రీలో చాలామందే ఉన్నారు. అద్భుతంగా సంగీతమందించి, శ్రోతల మనసుల్ని మాయ చేసే వీళ్లకు ఒక్కో సినిమాకు రెమ్యునరేషన్ ఎంతంటే​?

19:41 August 11

టాప్​ న్యూస్​ @8PM

టాప్​ న్యూస్​ @8PM 

  • 'గెలుపు నాదే' 

ఎవరెన్ని కుట్రలు చేసినా గెలుపు తనదేనని భాజపా నేత ఈటల రాజేందర్​ ధీమా వ్యక్తం చేశారు. హుజూరాబాద్‌లో అభ్యర్థి ఎవరైనా సీఎం కేసీఆర్‌కు బానిసే అని ఆయన ఆరోపించారు. హుజూరాబాద్‌లో కుల సంఘాల ప్రతినిధులతో జరిగిన సమావేశంలో ఈటల మాట్లాడారు. హుజూరాబాద్‌ ఎన్నిక ఉపఎన్నిక మాత్రమే కాదని.. ఈ ఎన్నికతో ఇంకెంతమంది రాజేందర్‌లు ప్రశ్నిస్తారోనని సీఎం కేసీఆర్‌కు భయం పట్టుకుందని వ్యాఖ్యానించారు.

  • చిన్నారులపై పంజా!

పిల్లల్లో కరోనా(Corona virus) వేగంగా వ్యాపిస్తోంది. గడచిన ఐదు రోజుల్లో బెంగళూరు నగరంలో 242 మంది చిన్నారులకు కొవిడ్(Covid-19) సోకడమే దీనికి నిదర్శనం. ఈ నేపథ్యంలో తల్లిదండ్రులు పిల్లల పట్ల జాగ్రత్తలు పాటించాలని నిపుణులు సూచిస్తున్నారు.

  • ఆహార వృథాను అరికట్టండి..

ఆహారాన్ని వృథా చేయడం అంటే.. పేద ప్రజలను దోచుకోవడంతో సమానమని కాంగ్రెస్ అగ్రనేత రాహుల్​ గాంధీ వ్యాఖ్యానించారు. దేశంలో గత మూడేళ్ల కాలంలో రూ.406 కోట్ల ఆహార ధాన్యాలు వృథా అయ్యాయని చెప్పారు.

  • మెడల్​ మిస్​ అయితే ఏంటి?

టోక్యో ఒలింపిక్స్​లో కొద్ది తేడాలో పతకం కోల్పోయిన 20 మంది భారత అథ్లెట్లను ప్రోత్సహించేందుకు ప్రముఖ ఫార్మా సంస్థ ముందుకొచ్చింది. వారికి తలో రూ. 11 లక్షల చొప్పున ప్రైజ్​మనీ ప్రకటించింది.

  • సినిమా అప్​డేట్స్​

కొత్త సినిమా అప్డేట్స్ వచ్చేశాయి. ఇందులో పాగల్​, పెళ్లిసంద..డి, రాజరాజచోర, బజార్​ రౌడీ, శేఖర్ తదితర చిత్రాలకు సంబంధించిన విశేషాలు ఉన్నాయి.

18:43 August 11

టాప్​ న్యూస్​ @7PM

టాప్​ న్యూస్​ @7PM 

  • 'మాటలు చెప్పేవాళ్లం కాదు' 

తాము మాటలు చెప్పే వాళ్లం కాదని.. పని చేసేవాళ్లమని మంత్రి హరీశ్​ రావు అన్నారు. కరీంనగర్​ జిల్లా వీణవంక మండల కేంద్రంలో మహిళలకు వడ్డీ లేని రుణాల పంపిణీ కార్యక్రమంలో మంత్రులు హరీశ్​ రావు, గంగుల కమలాకర్​, కొప్పుల ఈశ్వర్​ పాల్గొన్నారు. ఏడేళ్ల క్రితం తెలంగాణ రాకముందు ఎలా ఉంది.. ఇప్పుడు ఎలా ఉంది అనేది ఆలోచించాలని మంత్రి హరీశ్​ రావు ప్రజలకు సూచించారు.

  • ఓబీసీ బిల్లుకు ఆమోదం 

రాష్ట్రాల స్థాయిలో వెనుకబడిన తరగతులను గుర్తించే అధికారాన్ని రాష్ట్రాలకు అప్పగించేందుకు కేంద్రం ప్రవేశపెట్టిన ఓబీసీ బిల్లు పార్లమెంటు ఆమోదం పొందింది. మంగళవారం లోక్​సభ గడపదాటిన ఈ బిల్లుకు బుధవారం రాజ్యసభ ఆమోద ముద్ర వేసింది. త్వరలోనే రాష్ట్రపతి అనుమతితో ఈ బిల్లు చట్టరూపం దాల్చనుంది.

  • వెంకయ్య స్ఫూర్తి ప్రయాణం

భారత ఉపరాష్ట్రపతిగా ఎం.వెంకయ్య నాయుడు నాలుగు సంవత్సరాల పదవీ కాలాన్ని విజయవంతంగా పూర్తి చేసుకున్నారు. ఈ సందర్భంగా గతేడాదిగా ఆయన పాల్గొన్న కార్యక్రమాలు, వివిధ సమావేశాలను పొందుపరుస్తూ ఉపరాష్ట్రపతి కార్యాలయం ఓ పుస్తకాన్ని విడుదల చేసింది. ఈ పుస్తకం ఇ-బుక్​గా విడుదలైంది.

  • ముక్కు ద్వారా ఇచ్చే టీకాతో కరోనా ఖతం!

ముక్కు ద్వారా వేసే టీకా.. కరోనాను సమర్థంగా ఎదుర్కొంటుందని బ్రిటన్​ శాస్త్రవేత్తలు చేపట్టిన ఓ అధ్యయనం వెల్లడించింది. ఈ వ్యాక్సిన్​కు సంబంధించి ఎలుకలపై నిర్వహించిన క్లినికల్​ పరీక్షల్లో ఈ మేరకు తేలింది.

  • ప్రభాస్ 'సలార్' వీడియో లీక్

రెబల్​స్టార్ ప్రభాస్ ఫ్యాన్స్​ ఫుల్​ హ్యాపీగా ఉన్నారు. 'సలార్​' షూటింగ్​ వీడియో ఒకటి లీక్ కావడమే అందుకు కారణం. ట్విట్టర్​లో ప్రస్తుతం ఇదే ట్రెండింగ్​లో ఉంది.

17:51 August 11

టాప్​ న్యూస్​ @6PM

టాప్​ న్యూస్​ @6PM 

  • 'ప్రజలను మోసం చేస్తున్నారు' 

ఇరు రాష్ట్రాల ముఖ్యమంత్రులు ప్రజలను మోసం చేస్తున్నారని భాజపా రాష్ట్ర అధ్యక్షుడు బండి సంజయ్ అన్నారు. బోర్డుల సమావేశాలకు హాజరైతే తెలంగాణకు న్యాయం జరుగుతుందని పేర్కొన్నారు.

  • 'సంక్షోభంలోనూ సాహసోపేత నిర్ణయాలు'

కరోనా సంక్షోభం ఉన్నా ప్రభుత్వం సాహసోపేతమైన నిర్ణయాలు తీసుకుందని ప్రధాని నరేంద్ర మోదీ అన్నారు. ప్రభుత్వం తీసుకొచ్చిన సంస్కరణలతో ఆర్థిక వ్యవస్థ వేగంగా కోలుకుంటోందని వెల్లడించారు.

  • బామ్మ కోసం సాహసం 

శతాధిక వృద్ధురాలికి పింఛను సొమ్మును అందజేసేందుకు ఓ పోస్టు మాస్టర్​.. పెద్ద సాహసమే చేస్తున్నారు. దాదాపు 25 కిలోమీటర్ల దూరం అడవుల్లో ప్రయాణించి, నదిని దాటుకుని ఆమె వద్దకు చేరుకుంటున్నారు. వృద్ధురాలికి నగదు అందజేసి ఆమె మోముపై చిరునవ్వును చూస్తున్నారు.

  • ఆ టోర్నీలు రద్దు

ప్రధాన బ్యాడ్మింటన్​ టోర్నీలపై కరోనా ఇంకా ప్రభావం చూపిస్తూనే ఉంది. కొవిడ్​ మహమ్మారి నేపథ్యంలో.. రెండు ప్రధాన టోర్నమెంట్లను రద్దు చేస్తున్నట్లు ప్రపంచ బ్యాడ్మింటన్​ సమాఖ్య(బీడబ్ల్యూఎఫ్​) ప్రకటించింది.

  • చక్రసిద్ధలో ప్రిన్స్​ మహేశ్​

రంగారెడ్డి జిల్లా మహేశ్వరం మండలం శంకరపల్లి సమీపంలోని మోకిలా వద్ద అతిపెద్ద చక్రసిద్ధ చికిత్స కేంద్రం ప్రారంభమైంది. డాక్టర్ సత్య సింధూజ ఏర్పాటు చేసిన ఈ కేంద్రాన్ని సూపర్​స్టార్​ మహేశ్​బాబు ప్రారంభించారు. ఈ కార్యక్రమంలో సిరివెన్నెల సీతారామశాస్త్రితో పాటు యాంకర్​ సుమ దంపతులు పాల్గొన్నారు.

16:53 August 11

టాప్​ న్యూస్​ @5PM

టాప్​ న్యూస్​ @5PM 

  • 'జనం గుమిగూడకుండా చర్యలు తీసుకోవాలి' 

వినాయక చవితి, ఇతర పండుగల సందర్భంగా జనం గుమిగూడకుండా చర్యలు తీసుకోవాలని రాష్ట్ర ప్రభుత్వాన్ని హైకోర్టు ఆదేశించింది. ఉత్సవాల్లో అనవసరంగా గుమిగూడకుండా చర్యలు తీసుకోవడంతో పాటు... ఆంక్షలు, మార్గదర్శకాలను వీలైనంత ముందుగానే ప్రజలకు తెలియజేయాలని ఉన్నత న్యాయస్థానం స్పష్టం చేసింది.

  • తెరాస, భాజపాకు మధ్యే పోటీ

ప్రజలు ఓట్లు వేస్తే ఏం చేస్తారో ఈటల రాజేందర్ (Etela Rajender) సమాధానం చెప్పాలని డిమాడ్ చేశారు ఆర్థిక శాఖ మంత్రి హరీశ్‌రావు (Harish Rao). ఏ పని చేయాలన్న తెరాస ప్రభుత్వమే చేస్తోందని ఆయన అన్నారు. హుజూరాబాద్​ ఇల్లందకుంటలో తెరాస ప్రజా ఆశీర్వాద సభ (Trs Praja Ashirvada Sabha)లో మంత్రి పాల్గొన్నారు. రాష్ట్రంలో మరో రెండున్నరేళ్లు తెరాస ప్రభుత్వమే ఉంటుందన్న హరీశ్‌... హుజూరాబాద్‌లో తెరాస, భాజపాకు మధ్యే పోటీ ఉంటుందని స్పష్టం చేశారు. తెరాస ప్రభుత్వం చేసిన అభివృద్ధి ప్రజల కళ్లముందు కనిపిస్తోందని హరీశ్​ పేర్కొన్నారు. 

  • ప్రధాని అండ

మహిళా స్వయం సహాయక సంఘాలతో ప్రధాని నరేంద్ర మోదీ గురువారం సమావేశం కానున్నారు. ఈ కార్యక్రమంలో భాగంగా.. నాలుగు లక్షలకుపైగా స్వయం సహాయక సంఘాలకు ఆర్థిక సాయంగా ప్రధాని రూ.1,625 కోట్లు మంజూరు చేయనున్నారు.

  • స్పీకర్ వద్దకు కలిసి వెళ్లిన మోదీ, సోనియా

లోక్​సభ సభాపతి ఓం బిర్లాతో ప్రధాని మోదీ, హోంమంత్రి అమిత్​ షా, కాంగ్రెస్ అధ్యక్షురాలు సోనియా గాంధీ సహా విపక్ష నేతలు సమావేశమయ్యారు. భవిష్యత్తులో సమావేశాలు సజావుగా సాగేలా చర్యలు తీసుకోవాలని నేతలను కోరినట్లు ఓం బిర్లా తెలిపారు.

  • టాప్​-10లోకి బుమ్రా

ఐసీసీ టెస్టు ర్యాంకింగ్స్​లో (ICC Ranking) భారత కెప్టెన్​ విరాట్​ కోహ్లీ.. ఐదో స్థానానికి పడిపోయాడు. టీమ్​ ఇండియా బౌలర్​​ బుమ్రా.. తిరిగి టాప్​-10లోకి ప్రవేశించాడు. టీ-20 ఆల్​రౌండర్ల జాబితాలో షకీబ్​ మళ్లీ అగ్రస్థానానికి చేరాడు.

15:52 August 11

టాప్​ న్యూస్​ @4PM

టాప్​ న్యూస్​ @4PM 

  • 'పనిమనిషిలా సేవ చేసుకుంటా..' 

పార్టీ కోసం తాను చేసిన సేవలు గుర్తించి.. హుజూరాబాద్​ ఉప ఎన్నికలో ఎమ్మెల్యే అభ్యర్థిగా అవకాశం ఇచ్చినందుకు సీఎం కేసీఆర్​కు.. గెల్లు శ్రీనివాస్ యాదవ్​(Gellu srinivas yadav)​ కృతజ్ఞతలు తెలిపారు. తనను గెలిపించే బాధ్యతను కేసీఆర్.. మంత్రి హరీశ్​రావుకు అప్పగించినట్లు చెప్పారు.​ కరీంనగర్​ జిల్లా ఇల్లందకుంటలో నిర్వహించిన తెరాస ప్రజా ఆశీర్వాద సభలో ఆయన పాల్గొన్నారు.

  • నిమజ్జనంపై విచారణ

హుస్సేన్​సాగర్​లో గణేశ్​ నిమజ్జనాన్ని నిషేధించాలన్న పిటిషిన్​పై హైకోర్టు మరోసారి విచారించింది. ఈ అంశంపై నిర్ణయం తీసుకోడానికి మరో వారం రోజుల సమయం కావాలని ధర్మాసనాన్ని ప్రభుత్వం కోరింది. సర్కారు అభ్యర్థనను పరిగణలోకి తీసుకున్న న్యాయస్థానం... తదుపరి విచారణను ఈ నెల 18కి వాయిదా వేసింది.

  • ఆ ఐఏఎస్‌ టాపర్స్‌ జంట విడిపోయింది!

ఐఏఎస్ టాపర్స్ టీనా దాబి, అధర్ ఆమిర్ ఖాన్​ జంట విడిపోయింది. 2018లో వివాహబంధంతో ఒక్కటైన వీరు మనస్పర్ధలు రావడం వల్ల విడిపోవాలని నిర్ణయించుకున్నారు.

  • తగ్గిన లాభాల జోరు

స్టాక్ మార్కెట్లలో లాభాల జోరు తగ్గింది. సెన్సెక్స్ (Sensex today) 29 పాయింట్లు నష్టపోయింది. నిఫ్టీ (Nifty today) 16,282 వద్ద ఫ్లాట్​గా ముగిసింది. బ్యాంకింగ్, ఫార్మా షేర్లలో అమ్మకాల ఒత్తిడి సూచీలను ఒడుదొడుకులకు గురి చేసింది.

  • బేబమ్మపై ఫైర్​!

'ఉప్పెన' సినిమాతో ఆకట్టుకుని వరుస సినిమాలు చేస్తున్న కృతిశెట్టిపై ఆ దర్శకుడు కోప్పడ్డాడు! షూటింగ్​లో భాగంగానే ఇది జరిగింది? ఇంతకీ ఏమైంది?

14:28 August 11

టాప్​ న్యూస్​ @3PM

టాప్​ న్యూస్​ @3PM 

  • 'గెల్లు శ్రీనివాస్ యాదవ్‌తో మరింత అభివృద్ధి'

హుజూరాబాద్ ఉపఎన్నిక తెరాస అభ్యర్థిగా గెల్లు శ్రీనివాస్‌ యాదవ్‌ను ప్రకటించిన నేపథ్యంలో మంత్రి తలసాని శ్రీనివాస్ స్పందించారు. యువకుడైన గెల్లుతో నియోజకవర్గం మరింత అభివృద్ధి చెందుతుందని ఆయన అభిప్రాయపడ్డారు. రాష్ట్రంలో అమలయ్యే పథకాలు దేశంలో ఎక్కడా లేవని పేర్కొన్నారు.

  • బస్సుపై విరిగిపడ్డ కొండ

హిమాచల్ ప్రదేశ్​లోని కిన్నౌర్ జిల్లాలో కొండచరియలు విరిగిపడ్డాయి. శిథిలాల కింద ఓ బస్సు సైతం చిక్కుకుపోయిందని, అందులో 40 మందికి పైగా ప్రయాణికులు ఉన్నారని అధికారులు తెలిపారు.

  • ప్రపంచంపై 'డెల్టా' పడగ

ప్రపంచంపై కొవిడ్ తీవ్రస్థాయిలో పంజా విసురుతోంది. కేసుల సంఖ్య రికార్డు స్థాయిలో నమోదవుతోంది. డెల్టా వేరియంట్​తో అమెరికా విలవిల్లాడుతోంది. ఆస్పత్రులు రోగులతో నిండిపోయాయి. అంబులెన్స్​లో అత్యవసర సేవలు అందిస్తున్నారు. గంటల తరబడి ఆసుపత్రుల బయటే వేచి చూడాల్సి వస్తోంది. మరోవైపు, ఆస్ట్రేలియాలో కేసుల సంఖ్య పెరగడం వల్ల లాక్​డౌన్​ను పొడిగించారు అధికారులు. ఇతర దేశాల్లో కూడా ఆందోళనకర పరిస్థితులు నెలకొన్నాయి.

  • భారత్​-ఇంగ్లాండ్​కు జరిమానా

భారత్​, ఇంగ్లాండ్​ మధ్య జరిగిన తొలి టెస్టులో స్లోఓవర్​ రేటు నమోదైంది. దీనిపై అంతర్జాతీయ క్రికెట్​ కమిటీ స్పందిస్తూ.. ఇరు జట్లకు పాయింట్ల కోతతో పాటు జరిమానా విధించింది.

  • స్టూవర్ట్​పురం దొంగ

గజదొంగ టైగర్‌ నాగేశ్వరరావు బయోపిక్​లో హీరోగా బెల్లంకొండ శ్రీనివాస్​ను ఖరారు చేశారు. ఇందుకు సంబంధించిన టైటిల్ పోస్టర్​ను​ రిలీజ్ చేసింది చిత్రబృందం.

13:44 August 11

టాప్​ న్యూస్​@ 2PM

  • ఎవరీ గెల్లు శ్రీనివాస్‌ యాదవ్‌

హుజూరాబాద్ తెరాస అభ్యర్థిగా విద్యార్థి విభాగం రాష్ట్ర అధ్యక్షుడు గెల్లు శ్రీనివాస్‌ యాదవ్‌ను (Gellu Srinivas Yadav) కేసీఆర్‌ (CM KCR) ఖరారు చేశారు. అనేక సామాజిక సమీకరణాలను పరిశీలించిన తర్వాత ఉస్మానియా విశ్వ విద్యాలయం కేంద్రంగా ఉద్యమంలో పాల్గొన్న గెల్లువైపే మెుగ్గు చూపారు.

  • విరిగిపడ్డ కొండచరియలు

హిమాచల్ ప్రదేశ్​లోని కిన్నౌర్ జిల్లాలో కొండచరియలు విరిగిపడాయి. శిథిలాల కింద కొన్ని వాహనాలు చిక్కుకుపోయాయి. వాటిలో అనేక మంది ప్రజలు ఉండి ఉంటారని అధికారులు భావిస్తున్నారు. శిథిలాల కింద చిక్కుకున్న వారికోసం యుద్ధప్రాతిపదికన సహాయక చర్యలు చేపడుతున్నారు.

  • వడ్డీ చెల్లింపుపై ఈపీఎఫ్​ఓ క్లారిటీ!

2020-21 ఆర్థిక సంవత్సరానికి సంబంధించి వడ్డీ రేట్ల జమ ఆలస్యంపై ఈపీఎఫ్ఓ క్లారిటీ ఇచ్చింది. దీనికి సంబంధించిన ప్రక్రియ కొనసాగుతోందని.. త్వరలోనే వడ్డీని చందాదారుల ఖాతాల్లో జమ చేయనున్నట్లు పేర్కొంది.

  • కోచ్​ పదవికి రవిశాస్త్రి గుడ్​బై!

టీమ్‌ఇండియా కొత్త కోచ్‌గా రాహుల్‌ ద్రవిడ్‌ ఎంపిక లాంఛనమేనా? టీ20 ప్రపంచకప్‌ తర్వాత రవిశాస్త్రి వెళ్లిపోవడం ఖాయమేనా? అతడు ఈ పాటికే బీసీసీఐకి తన నిర్ణయం చెప్పేశాడా? గుడ్‌బై చెప్పేందుకు సిద్ధమయ్యాడా? అంటే అవుననే సమాధానాలు వినిపిస్తున్నాయి!

  • చెర్రీ, తారక్ వీడియో వైరల్​!

'ఆర్​ఆర్​ఆర్'​ (RRR movie)విడుదలకు రోజులు దగ్గరపడుతున్నాయి. ఆఖరి షెడ్యూల్​ ఉక్రెయిన్​లో జరుగుతోంది. ఈ సందర్భంగా తారక్, చెర్రీలు స్నేహగీతాన్ని ఆలపిస్తూ.. అందుకు తగ్గట్టుగా అభినయిస్తున్న ఓ వీడియోను రిలీజ్ చేసింది చిత్రబృందం. ఇది సామాజిక మాధ్యమాల్లో వైరల్​గా మారింది.

12:55 August 11

టాప్​ న్యూస్​@ 1PM

  • వాళ్లు డబ్బు డ్రా చేస్తారు... కానీ

ఏటీఎం(ATM) డిపాజిట్ యంత్రాలే వారి టార్గెట్. డబ్బులు డ్రా చేస్తారు... కానీ వారి ఖాతాలో నగదు తగ్గదు. ఏటీఎంలోని నగదు మాత్రం ఖాళీ అవుతుంది. ఇదేంటి ఇలా ఎలా జరుగుతుంది అనుకుంటున్నారా...? ఇదంతా హరియాణా ముఠా పని. నగరంలో 5 ఎస్బీఐ ఏటీఎంలను (SBI ATM) కొల్లగొట్టారు. ఇంతకీ ఈ కేటుగాళ్లు చేస్తున్న పనేంటి..?

  • ఈ బుడ్డోడు.. 427 గ్రామాలకు పెదరాయుడు!

పెదరాయుడు సినిమా చాలా మంది చూసే ఉంటారు. అందులో గ్రామపెద్ద చెప్పిందే వేదం. ఆయన చెప్పిన తీర్పును తూ.చ. తప్పకుండా పాటిస్తారు. ఇదే విధానం తమిళనాడులోని కొన్ని గ్రామాల్లోనూ అమలవుతోంది. కానీ, ఆ తీర్పు చెప్పే వ్యక్తి తలపండిన వృద్ధుడేమీ కాదు.. ఐదో తరగతి చదివే బాలుడు.

  • మహిళలపై రిక్షా డ్రైవర్​ పెట్రోల్​ దాడి

మహారాష్ట్ర నాశిక్​లో దారుణం జరిగింది. ఓ రిక్షా డ్రైవర్ ఇద్దరు మహిళలపై పెట్రోల్​ పోసి నిప్పంటించాడు. ఈ ఘటనలో వారికి తీవ్ర గాయాలయ్యాయి. ప్రస్తుతం మహిళల పరిస్థితి విషమంగా ఉందని అధికారులు తెలిపారు. ​

  • నా రెండో పెళ్లిపై అలా అన్నారు.. బాగా ఏడ్చాను

వ్యక్తిగతంగా, వృత్తిపరంగా ఎన్నో ఇబ్బందులను ఎదుర్కొన్న గాయకురాలు సునీత. కష్టాల్నే పునాదులుగా మలచుకుని కెరీర్‌లో దూసుకెళ్తున్నారు. ఇటీవల వ్యాపారవేత్త రామ్‌తో ఏడడుగుల బంధంలోకి అడుగుపెట్టారు. ఈ నేపథ్యంలో తనకు ఎదురైన ఎత్తుపల్లాలను తాజా ఇంటర్వూలో పంచుకున్నారు.

  • కార్చిచ్చు విధ్వంస చిత్రం

ఇన్నాళ్లూ అమెరికా కాలిఫోర్నియాలోని అడవుల్ని దహించివేసిన కార్చిచ్చు.. ఇతర దేశాలనూ బెంబేలెత్తిస్తోంది. అల్జీరియా, టర్కీ, ఇటలీ దేశాల్లో చెలరేగిన మంటలకు వేల హెక్టార్లు దగ్ధమయ్యాయి. అనేక మంది తమ స్వస్థలాలను విడిచి సురక్షిత ప్రాంతాలకు వెళ్తున్నారు.

12:05 August 11

టాప్​ న్యూస్​@12 PM

  • హుజూరాబాద్ తెరాస అభ్యర్థిగా గెల్లు శ్రీనివాస్

హుజూరాబాద్ ఉప ఎన్నిక తెరాస అభ్యర్థిని ప్రకటించింది. తెరాస విద్యార్థి విభాగం రాష్ట్ర అధ్యక్షుడిగా ఉన్న గెల్లు శ్రీనివాస్ యాదవ్ పేరును సీఎం కేసీఆర్ ఖరారు చేశారు.

  • వెంకయ్య తీవ్ర భావోద్వేగం

రాజ్యసభ ఛైర్మన్​ వెంకయ్య నాయుడు తీవ్ర భావోద్వేగానికి లోనయ్యారు. మంగళవారం రాజ్యసభలో కొందరు సభ్యులు అనుచితంగా ప్రవర్తించడంపై ఆవేదన వ్యక్తం చేశారు. కొందరు ఎంపీలు బల్లలపై కూర్చోవడం, మరికొందరు వాటిపై ఎక్కడం వల్ల సభ పవిత్రత దెబ్బతిందని గద్గద స్వరంతో వ్యాఖ్యానించారు.

  • లోక్​సభ నిరవధిక వాయిదా

లోక్​సభ నిరవధికంగా వాయిదా పడింది. పార్లమెంటు వర్షాకాల సమావేశాలు ఈనెల 13 వరకు జరగాల్సి ఉన్నా... రెండు రోజులు ముందే ముగిస్తున్నట్లు స్పీకర్ ప్రకటించారు. 

  • వ్యాపారి హత్య కేసు ఛేదించిన పోలీసులు

మెదక్ జిల్లాలో వ్యాపారి ధర్మాకర్ శ్రీనివాస్ హత్య కేసును పోలీసులు ఛేదించారు. ఘటన జరిగిన 24 గంటల్లోనే నిందితులను అదుపులోకి తీసుకున్నట్లు తెలిపారు. ఆర్థిక లావాదేవీలే హత్యకు కారణమని విచారణలో వెల్లడించారు.

  • ఈ గందరగోళం నుంచి నా దేశాన్ని కాపాడండి

అఫ్గానిస్థాన్​(Afghanistan)లో యుద్ధ వాతావరణంపై ఆ దేశ క్రికెటర్​ రషీద్​ ఖాన్​(Rashid Khan) స్పందించాడు. భద్రతా బలగాలు, తాలిబన్​ల మధ్య జరగుతున్న భీకర పోరులో అమాయక ప్రజలు ప్రాణాలు విడుస్తున్నారని ట్విట్టర్​ వేదికగా ఆవేదన వ్యక్తం చేశాడు. ఈ పరిస్థితుల నుంచి తమ దేశాన్ని కాపాడాలంటూ ప్రపంచ నాయకులకు విజ్ఞప్తి చేశాడు.

11:02 August 11

టాప్​ న్యూస్​@11AM

  • కొవాగ్జిన్‌, కొవిషీల్డ్‌ డోసుల మిక్సింగ్​పై ప్రయోగాలు

కరోనాకు ఇచ్చే టీకా డోసులు మిశ్రమంపై ప్రయోగాలు చేసేందుకు భారత ఔషధ నియంత్రణ సంస్థ అంగీకారం తెలిపింది. ఈ ప్రయోగాలు నిర్వహించడానికి అనుమతులు ఇవ్వాలని ఔషధ ప్రమాణాల నియంత్రణ సంస్థ సిఫార్సు మేరకు ఈ నిర్ణయం తీసుకున్నట్లు అధికారులు పేర్కొన్నారు.

  • మహేశ్​తో సినిమాపై సందీప్ వంగా క్లారిటీ!

సందీప్​ రెడ్డి దర్శకత్వంలో మహేశ్​ బాబు కథానాయకునిగా సినిమా రానుందా? అంటే అవుననే చెప్పాలి. సూపర్ స్టార్​తో సినిమా తీయనున్నట్లు సందీప్​ రెడ్డి వెల్లడించారు.

  • లార్డ్స్​ టెస్టుకు శార్దూల్​ దూరం..

ఇంగ్లాండ్​తో జరగనున్న రెండో టెస్టుకు టీమ్ఇండియా పేసర్​ శార్దూల్​ ఠాకూల్​(Shardul Thakur) దూరమయ్యే అవకాశం కనిపిస్తోంది. ప్రాక్టీస్​లో తొడకండరానికి గాయం కారణంగా లార్డ్స్​ టెస్టులో అతడికి విశ్రాంతి ఇవ్వొచ్చని బీసీసీఐ వర్గాలు అంటున్నాయి.

  • ఈ టిప్స్​తో తక్కువ బడ్జెట్​లోనే అందమైన ఇంటీరియర్​!

ఇంటి నిర్మాణంలో ఇంటీరియర్​ చాలా కీలకమైంది. ఇంట్లో ఉండే వారికి ప్రధాన ఆకర్షణ ఇదే. కానీ.. ఖర్చుతో కూడుకుని ఉంటుంది. కొన్ని జాగ్రత్తలు తీసుకోవడం వల్ల ఈ ఖర్చు భారీగా తగ్గించుకోవచ్చు. అవేంటో చూద్దాం.

  • గూగుల్​ సీక్రెట్ సెట్టింగ్స్..

గూగుల్​.. ప్రతిఒక్కరి జీవితంలోనూ ఇది భాగస్వామ్యమైపోయింది. మనం చేసే ప్రతిపని దీనితో అనుసంధానమైపోయింది. అయితే చాలా మందికి గూగుల్​ సెట్టింగ్స్​లో ఉన్న ఫీచర్స్​​ గురించి పూర్తిగా తెలియకపోవచ్చు. అలాంటి వారి గురించే ఈ కథనం.

10:03 August 11

టాప్​ న్యూస్​@10AM

  • మళ్లీ పెరిగిన కేసులు

దేశంలో రోజువారీ కరోనా కేసుల సంఖ్య మళ్లీ పెరిగింది. కొత్తగా 38,353మందికి వైరస్​ సోకినట్లు నిర్ధరణ అయింది.

  • దక్షిణాదిలోనే ఎక్కువ

ఉత్తర భారత్‌తో పోలిస్తే దక్షిణాదిలోని ఇంజినీరింగ్‌ కళాశాలలు చాలా మెరుగ్గా ఉన్నాయి. ఈ నేపథ్యంలో టెక్నాలజీ కోర్సులపై దక్షిణ భారత విద్యార్థులు ఆసక్తి చూపుతున్నారు. దీంతో దక్షిణ భారతం ఇంజినీరింగ్​ విద్యకు కేరాఫ్ అడ్రస్​గా మారింది.

  • మనసు పెట్టి చేస్తే ఏదైనా సాధ్యమే

నాలుగు భాషల్లో కథానాయిక, ప్రత్యేక గీతాల్లోనూ ఉర్రూతలూగిస్తున్న తమన్నా వెబ్‌ సిరీసుల్లోనూ సత్తా చాటుతోంది. ఇప్పుడు టీవీ రంగంలోనూ కాలుమోపుతోన్న తమన్నా వసుంధరతో ప్రత్యేకంగా మాట్లాడింది.. తన ఆలోచనలను పంచుకుంది.

  • ఒక్క మ్యాచ్ ఆడారు.. కనుమరుగయ్యారు!

క్రికెట్​లో రాణించాలని ఎంతోమంది యువత కలలు కంటున్నారు. టీమ్ఇండియా తరఫున ఒక్క మ్యాచ్​లోనైనా ఆడాలని.. తమ అదృష్టాన్ని పరిక్షించుకోవాలని అనేకమంది క్రికెటర్లు భావిస్తున్నారు. అయితే ఇంతటి క్రేజ్​ ఉన్న క్రికెట్​లో భారత్​ జట్టుకు కేవలం ఒకే ఒక్క మ్యాచ్​లో ప్రాతినిధ్యం వహించి.. ఆ తర్వాత ఆటలో కనిపించకుండా పోయిన వాళ్లు చాలామందే ఉన్నారు. ఆ క్రికెటర్లు ఎవరు? ఏఏ మ్యాచ్​లకు ప్రాతినిధ్యం వహించారో తెలుసుకుందాం.

  • లాభార్జనలో మదుపరులు

లాభాలతో ప్రారంభమైన స్టాక్​ మార్కెట్లు కొద్దిసేపటికే నష్టాల్లోకి జారుకున్నాయి. బీఎస్​ఈ-సెన్సెక్స్​ (Sensex today) 170 పాయింట్ల నష్టంతో 54,380 వద్ద ట్రేడవుతోంది. ఎన్​ఎస్​ఈ- నిఫ్టీ (Nifty today) 48 పాయింట్లు కోల్పోయి 16,230 వద్ద కొనసాగుతోంది.

09:23 August 11

టాప్​ న్యూస్​@9AM

  • దానికి భార్య అనుమతి అవసరంలేదు

చెల్లికి కిడ్నీ ఇవ్వడానికి భార్య అనుమతి అవసరంలేదని ఒక కేసు విచారణ సందర్భంగా హైకోర్టు స్పష్టం చేసింది. ప్రత్యేక పరిస్థితులను పరిగణనలోకి తీసుకొని ఆపరేషన్ నిర్వహించాలంటూ అపోలో ఆసుపత్రిని హైకోర్టు ఆదేశించింది.

  • భారత్‌-చైనా సమస్యకేదీ పరిష్కారం?

ఆసియాలో రెండు అతిపెద్ద దేశాల మధ్య నెలకొన్న సరిహద్దు సమస్యకు ముగింపు పలికే విధంగా ఇప్పటివరకు సీనియర్‌ కమాండర్‌ స్థాయిలో 12 దఫాల చర్చలు సాగాయి. ఆవేశం, ఆగ్రహం, అసహనం, సానుభూతి, విశ్వాసం వంటి భావోద్వేగాల నడుమ ఇవి జరిగాయి. అయినప్పటికీ తూర్పు లద్దాఖ్‌లో సరిహద్దు వివాద శాశ్వత పరిష్కారానికి ఈ చర్చలు ఉపయోగపడలేదు. 

  • క్లిష్ట పరిస్థితుల్లో వస్తున్నాం..

'పాగల్' సినిమా(paagal movie) ఈ నెల 14న ప్రేక్షకుల ముందుకు రానుంది. ఈ నేపథ్యంలో.. ప్రేక్షకులు తమను ఆశీర్వదించాలని కోరారు హీరో విశ్వక్ సేన్‌. క్లిష్ట పరిస్థితుల్లో సినిమాను థియేటర్లలో విడుదల చేస్తున్నామని అన్నారు.

  • ఆ విషయాన్ని పుజారా, రహానె గ్రహించాలి

టీమ్ఇండియా యాజమాన్యానికి అనుగుణంగా చెతేశ్వర్​ పుజారా, అజింక్యా రహానెలు నడుచుకోవాలని మాజీ క్రికెటర్​ వెంకటపతి రాజు అభిప్రాయపడ్డారు. కెప్టెన్​ కోహ్లీ బ్యాట్స్​మెన్​ నుంచి ఏం కోరుకుంటున్నాడో తెలుసుకొని, పరిస్థితులను బట్టి బ్యాటింగ్​ తీరును మెరుగుపరుచుకోవాలని ఆయన సూచించారు.

  • తగ్గిన బంగారం ధరలు

బంగారం ధరలు(Gold price today) బుధవారం స్పల్పంగా తగ్గాయి. వెండి ధర రూ.65వేల దిగువకు చేరింది. ఆంధ్రప్రదేశ్​, తెలంగాణలోని ప్రధాన నగరాల్లో బంగారం, వెండి ధరలు(Silver price today) ఇలా ఉన్నాయి.

07:43 August 11

టాప్​ న్యూస్​@8AM

  • ప్రాణాలతో పోరాడుతూ..

శిశువుకు జన్మనిచ్చిన తల్లి.. పురిటినొప్పులన్నీ మరిచి.. ఎప్పుడెప్పుడు బిడ్డను పొత్తిళ్లలోకి తీసుకుందామా.. గుండెలకు హత్తుకుందామా అని తపిస్తుంది. కానీ అలాంటి వీలు లేక ఉత్తర్‌ప్రదేశ్‌కు చెందిన ఓ వైద్యురాలిది దీనికి భిన్నమైన గాథ.

  • చట్టసభల్లో నేరస్థులు

నేర చరిత్ర కలిగినవారిని రాజకీయ పార్టీలు చట్టసభలకు పంపే పెడధోరణి ఏటికేడు పెరగడం ఆందోళనకరం. ఈ పోకడను న్యాయస్థానాలు ఏళ్లుగా ఎండగడుతూ వస్తున్నా పెద్దగా మార్పు ఉండటం లేదు. రాజకీయాల్లోంచి నేరగాళ్ల ఏరివేతకు చర్యలు తీసుకోకపోతే 75 ఏళ్ల స్వాతంత్ర్యానికి అర్థం లేకుండా పోతుంది.

  • అల్లు అర్జున్​ నా క్రష్..

'తిమ్మరుసు', 'ఎస్​ఆర్ కళ్యాణ మండపం'(kalyanamandapam movie) సినిమాలు ప్రస్తుతం ప్రేక్షకుల ముందుకు వచ్చాయి. ఈ రెండు చిత్రాల్లోనూ నటించింది హీరోయిన్ ప్రియాంకా జావల్కర్. ఈ సినిమాలపై ప్రేక్షకుల నుంచి మంచి ఆదరణ వస్తుండగా.. ప్రియాంక తన అనుభవాలను పంచుకుంది.

  • ప్యారిస్ క్లబ్​తో మెస్సీ కాంట్రాక్ట్..

అర్జెంటినా ప్రముఖ ఫుట్​బాల్​ ప్లేయర్​ లియోనెల్​ మెస్సీ.. ప్యారిస్​ సెయింట్​ జర్మన్​(పీఎస్​జీ) క్లబ్​లో చేరాడు. బార్సిలోనా​తో ఒప్పందం ముగిసిన అనంతరం పీఎస్​జీలో చేరేందుకు మెస్సీ అంగీకరించాడు. ఇదే విషయాన్ని ప్యారిస్​ సెయింట్​ జర్మన్​ క్లబ్​ ట్విట్టర్​లో ప్రకటించింది.

  • వాట్సాప్​లో ఆ లింక్​లను క్లిక్ చేస్తే.. ప్రమాదంలో పడ్డట్లే..!

వాట్సాప్​లో మిమ్మల్ని ఆకర్షించే మెసేజ్​లు వస్తున్నాయా? వాటిని క్లిక్ చేస్తే.. మీరు ప్రమాదంలో పడినట్లే.. మీ ఆర్థిక, వ్యక్తిగత, బ్యాంకింగ్​ సమాచారమంతా క్షణాల్లో సైబర్​ నేరగాళ్ల చేతుల్లోకి వెళ్లినట్లే. అలాంటి సైబర్​ నేరగాళ్ల మాయలో పడకుండా ఉండాలంటే ఏం చేయాలో తెలుసుకుందాం..

07:31 August 11

టాప్​ న్యూస్​@7AM

  • 'తల్లిదండ్రులను చంపి.. అనాథను అన్నట్లుంది'

ఎంఐఎం నేత ఫరూఖ్‌ అహ్మద్‌ (MIM leader Farooq Ahmed) బెయిల్‌ పిటిషన్​పై సుప్రీంకోర్టు (Supreme Court) మంగళవారం విచారణ చేపట్టింది. ఆయనకు బెయిల్‌ ఇవ్వమనడం 'తల్లిదండ్రులను చంపిన వ్యక్తే.. తాను అనాథ అన్నట్లు ఉంది' అని భారత ప్రధాన న్యాయమూర్తి(సీజేఐ) జస్టిస్‌ ఎన్‌వీ రమణ వ్యాఖ్యానించారు.

  • అప్పు ఎంతో తెలుసా?

ఈ ఆర్థిక సంవత్సరంలో 47,500 కోట్ల రూపాయలను రుణంగా తీసుకోవాలని బడ్జెట్​లో పొందుపరిచిన ప్రభుత్వం.. తాజాగా మరో రెండు వేల కోట్ల రూపాయలు రుణంగా తీసుకొంది. గత వారమే బాండ్ల విక్రయం ద్వారా 1,500 కోట్ల రూపాయలను ప్రభుత్వం సమకూర్చుకొంది.

  • రూ.350 కోట్లు కేటాయించిన ‘గ్లోబల్‌’ రవీంద్రనాథ్‌

లాభాపేక్ష రహిత ప్రపంచ స్థాయి మెడికల్ ఎడ్యుకేషన్, రీసెర్చ్ సంస్థ ఏర్పాటు కోసం తన సంపదలో 70 శాతం(350 కోట్ల రూపాయలు) వెచ్చిస్తున్నట్లు గ్లోబల్​ హాస్పిటల్​ వ్యవస్థాపకులు డాక్టర్ రవీంద్రనాథ్ కంచెర్ల ప్రకటించారు. అవసరానికి అనుగుణంగా... వైద్య చికిత్స ఖర్చులను తగ్గించేందుకు ఉపయోగపడే పరిశోధనలు చేయనున్నట్లు రవీంద్రనాథ్ తెలిపారు.

  • గర్భిణులకు కొవిడ్‌ సోకితే ముందే ప్రసవం!

కరోనా సోకిన గర్భిణులకు.. నెలలు నిండకుండానే కాన్పు అయ్యే అవకాశం ఎక్కువగా ఉందని శాస్త్రవేత్తలు తెలిపారు. కొవిడ్‌-19తోపాటు అధిక రక్తపోటు, మధుమేహం, ఊబకాయం వంటి సమస్యలున్న గర్భిణులకు ఈ ముప్పు 160 శాతం అధికమని వెల్లడించారు.

  • పతకాల వేటలో అదే కీలకం!

టోక్యో ఒలింపిక్స్​లో మునుపెన్నడూ లేని విధంగా 7 పతకాలతో సత్తాచాటారు భారత క్రీడాకారులు. అయితే 135 కోట్లకు పైగా జనాభా ఉన్న మన దేశం ఒలింపిక్‌ అథ్లెటిక్స్‌లో ఒక్క పతకం కోసం 120 ఏళ్లుగా ఎదురుచూసిందంటే లోపం ఎక్కడుంది? క్రీడా సంఘాలను ప్రక్షాళించాల్సిన అవసరం ఎంతమేర ఉంది? ఈ ప్రశ్నలకు సమాధానాలేంటి?

05:28 August 11

ఈటీవీ భారత్​ - ముఖ్యాంశాలు

టాప్​ న్యూస్​@6AM

  • దళిత బంధు నగదుతో ఏమి చేయవచ్చో తెలుసా..

రాష్ట్ర ప్రభుత్వం ప్రతిష్ఠాత్మకంగా అమలుచేస్తున్న దళితబంధు పథకం నిధులను ఏ విధంగా వినియోగించుకోవచ్చో సూచిస్తూ.. ప్రభుత్వం కొన్ని వివరాలను వెల్లడించింది. వాసాలమర్రిలో పథకం ప్రారంభమైనా... పైలట్‌ ప్రాజెక్టు కింద హుజూరాబాద్‌ నియోజకవర్గంలో ఈ నెల 16న సీఎం కేసీఆర్‌ శాలపల్లి-ఇందిరానగర్‌ వద్ద దళితబంధును ప్రారంభించనున్నారు.

  • గడ్డి ‌అన్నారం పండ్ల మార్కెట్ తరలింపునకు సన్నాహాలు

గడ్డి అన్నారం పండ్ల మార్కెట్ తరలింపునకు రంగం సిద్ధమవుతున్న వేళ... కమీషన్ ఏజెంట్లు విముఖత వ్యక్తం చేస్తున్నారు. మంగళవారం ఏర్పాటు చేసిన బాట సింగారం లాజిస్టిక్ పార్కు క్షేత్రస్థాయి పరిశీలన కార్యక్రమం విఫమైంది. అధికారులెవరూ రాకపోవడంతో కమీషన్ ఏజెంట్లు పెదవి విరుస్తున్నారు. కనీస మౌలిక సదుపాయాలు కల్పించకుండా ఇప్పటికిప్పుడు ఖాళీ చేసి వెళ్లాలంటే ఎలా అంటూ మండిపడుతున్నారు.

  • రూ.500, 1000కే హత్యలు.. నివ్వెరపోయిన పోలీసులు

డబ్బుల కోసం కొంత మంది హత్యలు చేస్తుంటారు. లక్షలు, కోట్లు కాజేస్తుంటారు. కానీ, ఓ వ్యక్తి కేవలం 500, 1000 రూపాయల కోసం హత్యలు చేశాడు. ఓ కేసు విచారణలో నిందితుడిని అరెస్ట్‌ చేసి విచారించిన పోలీసులు.. అతడు మరో రెండు హత్యలు చేశానని..అంగీకరించడంతో కంగుతిన్నారు.

  • నేతలపై ఉన్న కేసుల ఎత్తివేతపై హైకోర్టుల సమీక్ష!

హైకోర్టుల అనుమతితోనే ఎంపీ, ఎమ్మెల్యేలపై ఉన్న కేసులను ఉపసంహరించుకోవాలని స్పష్టంచేసింది సుప్రీంకోర్టు. ఈ కేసుల విచారణ జరుపుతున్న జడ్జిలను బదిలీ చేయకూడదని ఆదేశించింది. రాష్ట్రాల్లో ఎంపీలు, ఎమ్మెల్యేలపై ఇప్పటికే ఉపసంహరించుకున్న క్రిమినల్‌ కేసులను హైకోర్టులు సమీక్షించాలంటూ ఆదేశాలు ఇచ్చింది.

  • భర్త ఎదుటే అత్యాచారం

భర్త ఎదుటే ఓ వివాహితపై ముగ్గురు యువకులు అత్యాచారానికి పాల్పడిన అమానుష ఘటన రాజస్థాన్​లో జరిగింది. భార్యాభర్తలు బైక్​పై వెళుతుండగా అడ్డగించిన దుండగులు ఈ దురాగతానికి పాల్పడినట్లు పోలీసులు గుర్తించారు. మరో ఘటనలో ఓ మహిళను గర్భవతిని చేసి పారిపోయిన వ్యక్తిని బిహార్​లో అదుపులోకి తీసుకున్నారు.

  • మనిషి నిర్లక్ష్యం... ధరణికి శాపం!

అభివృద్ధి పేరిట మనిషి ఏళ్లుగా ప్రకృతి వినాశనానికి పాల్పడుతున్నాడు. వ్యక్తిగత వాహనాలను ఇబ్బడిముబ్బడిగా పెంచేయడం, విద్యుచ్ఛక్తి, పెట్రోలియం ఉత్పత్తులను విచ్చలవిడిగా వినియోగిస్తూ ఒకవైపు కాలుష్యానికి, మరోవైపు భూతాపం పెరిగిపోవడానికి ప్రధాన కారణం అవుతున్నాడు. దీంతో భూమ్యాకాశాలే కాక సముద్రాలూ వేడెక్కి జీవవైవిధ్యం పూర్తిగా దెబ్బతింటోంది.

  • మంటలను అదుపు చేస్తూ 25మంది సైనికులు మృతి!

అల్జీరియాలో భారీగా మంటలు చెలరేగాయి. వాటిని అదుపు చేసే క్రమంలో 25 మంది జవాన్లు మృతిచెందినట్లు తెలుస్తోంది.

  • 'ఏటీఎంలలో నగదు లేకపోతే బ్యాంకులకు జరిమానా'

ఏటీఎంలలో నగదు కొరత కారణంగా బ్యాంకు ఖాతాదారులకు ఎదురయ్యే ఇబ్బందులను దృష్టిలో పెట్టుకొని రిజర్వ్‌ బ్యాంకు కీలక నిర్ణయం తీసుకుంది. ఆ యంత్రాల్లో నగదు అందుబాటులో లేని సమయం.. నెలకు 10 గంటలు దాటితే సంబంధిత బ్యాంకుపై 10 వేల రూపాయల జరిమానా విధించనున్నట్లు ప్రకటించింది.

  • '15 నెలలుగా పడ్డ కష్టానికి ఫలితమే ఈ కాంస్యం'

ఒలింపిక్స్​లో పతకం సాధించడంపై పురుషుల హాకీ జట్టు కెప్టెన్ మన్​ప్రీత్ సింగ్ ఈటీవీ భారత్​తో ప్రత్యేకంగా మాట్లాడాడు. గత 15 నెలల కష్టానికి ప్రతిఫలం ఇది అని అన్నాడు.

  • ఎంగేజ్​మెంట్​ పూర్తి.. నెక్ట్స్​ పెళ్లే అంటున్న నయన్​

స్టార్ హీరోయిన్ నయనతార, దర్శకుడు విఘ్నేశ్‌ శివన్‌ గత కొన్నేళ్లుగా ప్రేమాయణం నడుపుతున్నారని మనకు తెలుగు. నయన్‌పై తనకున్న ప్రేమను విఘ్నేశ్‌ పలు సందర్భాల్లో సోషల్‌మీడియా వేదికగా తెలియజేశారు. నయన్‌ వేలికి ఉంగరం, విఘ్నేశ్ షేర్‌ చేసిన చాలా ఫొటోల్లో కనిపించింది. దీంతో ఈ జంటకు నిశ్చితార్థమైందా?లేదా? అన్న చర్చ అప్పటినుంచే మొదలైంది. ఇప్పుడదే విషయంపై స్పష్టతనిచ్చింది నయన్​.

Last Updated : Aug 11, 2021, 9:35 PM IST

For All Latest Updates

TAGGED:

etv bharat newsetv bharat headline newsఈటీవీ భారత్​ ముఖ్యాంశాలు

ABOUT THE AUTHOR

...view details

Quick Links / Policies

Get Us On

Please write to us, for media partnership and Ad-sales inquiries. Email: adops@etvbharat.com

Featured

Copyright © 2025 Ushodaya Enterprises Pvt. Ltd., All Rights Reserved.