ఏపీలోని అనంతపురం జిల్లా కేంద్రంలోని సర్వజన ఆస్పత్రిలో మద్యం తాగొచ్చి ఓ ఉద్యోగి హల్చల్ చేశాడు. ఫార్మసీ విభాగంలో పని చేస్తున్న రాజు.. ఆసుపత్రికి వచ్చే రోగులకు మందులు ఇస్తుంటాడు. ఈ రోజు ఉదయం పూటుగా తాగొచ్చి అందరికీ ఒకే రకం మందులు ఇచ్చాడు. మద్యం మత్తులోనే రాజు ఇలా చేస్తున్నాడని గుర్తించిన రోగుల బంధువులు ఇదేంటని ప్రశ్నించారు. ఆస్పత్రికి తాగి ఎలా వస్తావంటూ నిలదీశారు. అప్పటికే మద్యం మత్తులో ఉన్న రాజు.. రోగులపై ఇష్టానుసారంగా మాట్లాడాడు.
రోగులు ఈ విషయంపై ఆస్పత్రి సూపరింటెండెంట్ జగన్నాథ్కు ఫిర్యాదు చేశారు. వెంటనే స్పందించిన జగన్నాథ్.. ఉద్యోగి రాజును విధుల నుంచి తొలగించారు.
ఆస్పత్రిలో అర్జున్ రెడ్డి... పూటుగా తాగొచ్చి విధులు