కరోనా తర్వాత ప్రజల ఆలోచన సరళిలో కూడా మార్పు వచ్చింది. వైరస్‌ కారణంగా ఇంకా పూర్తిస్థాయిలో ప్రజా రవాణా ఊపందుకోలేదు. ఈ నేపథ్యంలో వాడిన ద్విచక్ర వాహనాలు, కార్ల కొనుగోలుకు అధిక ప్రాధాన్యం ఇస్తున్నారు.
వాడిన కారు.. వారెవ్వా అంటారు!
వాడిన (సెకండ్‌ హ్యాండ్‌) కార్లకు ఇప్పుడు డిమాండ్ ఎక్కువగా ఉంది. నగరం ఇలాంటి వాహనాలకు కేంద్రంగా మారింది. కొన్నాళ్లుగా ఈ మార్కెట్‌ పుంజుకుంటోంది.
వాడిన కారు.. వారెవ్వా అంటారు!
కరోనా ముప్పు కొంత తగ్గినా ఆర్టీసీ బస్సుల నుంచి మెట్రో వరకు ప్రయాణికుల సంఖ్య ఇంకా పెరగలేదు. కరోనాకు ముందు మెట్రోలో 4.5 లక్షల ప్రయాణికుల ట్రిప్పులు ఉండేవి. ప్రస్తుతం ఆ సంఖ్య 1.6 లక్షలకు దాటడం లేదు. ఆర్టీసీలోనూ అదే తీరు. గతంలో నిత్యం 30 లక్షల మంది రాకపోకలు సాగించేవారు. ప్రస్తుతం ఆ సంఖ్య 60-70 శాతమే మాత్రమే. ఎక్కువ మంది సొంత వాహనాల్లో వెళ్లేందుకు ఆసక్తి చూపుతున్నారు. కొత్త కారు కొనేముందు కొన్నాళ్లు పాతది వాడితే తక్కువ బడ్జెట్‌లో రావడంతోపాటు డ్రైవింగ్‌ కూడా నేర్చుకోవచ్చు అని భావిస్తున్నారు.
2 వేలు కొత్తవి.. పాతవి..
గ్రేటర్‌ వ్యాప్తంగా రోజుకు 2 వేల కొత్త వాహనాలు రోడ్లపైకి వస్తున్నాయి. అదేస్థాయిలో పాత వాహనాలూ చేతులు మారుతున్నాయి. నగరంలో రాంకోఠి, కింగ్‌కోఠి, ఖైరతాబాద్, మెహిదీపట్నం, ఎల్‌బీనగర్, సికింద్రాబాద్, కూకట్‌పల్లి ప్రాంతాల్లో ఈ తరహా మార్కెట్లకు రద్దీ పెరుగుతోంది. ఏ చిన్నకారు కొనాలన్నా కనీసం రూ.4-5 లక్షలు ఉండాలి. దీంతో పాత కార్ల వైపు మొగ్గు చూపుతుంటారు. పాత కార్లకూ కొన్ని సంస్థలు రుణం ఇస్తున్నాయి. ఆన్‌లైన్‌లో కార్లను అమ్మకాలకు పెడుతున్నాయి.
- ఇదీ చూడండి: రానున్నది మరింత 'స్మార్ట్' కాలం..!