నేనా.. భాజపాలోకా..?: సీపీఐ నారాయణ

ఒక పార్టీలో గెలిచి... మరో పార్టీలో మంత్రి అయిన చరిత్ర మంత్రి పువ్వాడ అజయ్​ కుమార్​ది అని సీపీఐ జాతీయ కార్యదర్శి నారాయణ విమర్శించారు. అజయ్​ కుమార్​ చేసిన విమర్శలను నారాయణ ఖండించారు.

రవాణాశాఖ మంత్రి పువ్వాడ అజయ్ కుమార్​పై సీపీఐ జాతీయ కార్యదర్శి నారాయణ మండిపడ్డారు. నారాయణ భాజపాలో చేరుతున్నారని పువ్వాడ వ్యాఖ్యానించడాన్ని తీవ్రంగా ఖండించారు. నాలుగు పార్టీలు మారి, ఒక పార్టీలో గెలిచి ఇంకో పార్టీలో మంత్రి అయిన మీరు... నా గురించి మాట్లాడతారా అని విమర్శించారు.

రాజకీయ అనైతిక చరిత్ర మీదైతే... రాజకీయ స్వచ్ఛమైన చరిత్ర తనదని నారాయణ దుయ్యబట్టారు. తనపైన బుదరచల్లాలని చూస్తే... సూర్యుడిపై ఎంగిలి విసిరినట్లు అవుతుందన్నారు.

ఇదీ చూడండి:'వాళ్లు రిగ్గింగ్ చేసినా... గెలిచేది మాత్రం మేమే'