"ఆర్టీసీ కార్మికులవి ముమ్మాటికీ సర్కారీ హత్యలే..."

ఆర్టీసీ కార్మికులవి ముమ్మాటికీ సర్కారీ హత్యలేనని సీపీఐ జాతీయ కార్యదర్శి నారాయణ ఆరోపించారు. ఎంతోమంది బలిదానాలతో సాధించుకున్న తెలంగాణలో.. నేటికీ ఆత్మహత్యలు కొనసాగడం బాధాకరమని చెప్పారు. ఆర్టీసీ కండక్టర్​ సురేందర్​గౌడ్​కు నారాయణ నివాళులర్పించారు.

తెలంగాణ రాష్ట్ర సాధనలో ఆర్టీసీ కార్మికుల పాత్ర మరవలేనిదని సీపీఐ నేత నారాయణ గుర్తు చేశారు. అలాంటి వారు ఆత్మహత్యలకు పాల్పడడం బాధాకరమన్నారు. హైదరాబాద్​ కార్వాన్​లో ఆత్మహత్య చేసుకున్న ఆర్టీసీ కండక్టర్​ సురేందర్ ​గౌడ్ ​అంత్యక్రియలకు ఆయన హాజరయ్యారు. ఆర్టీసీ కార్మికులకు తామందరం అండగా ఉంటామని తెలిపారు. బలవన్మరణాలు సమస్యకు పరిష్కారం కాదని అభిప్రాయపడ్డారు. బాధితులకు రూ. కోటి పరిహారం, వారి పిల్లలకు ఉద్యోగం కల్పించాలని డిమాండ్​ చేశారు.

ఇవీచూడండి: సమ్మె విరమించి చర్చలకు రండి: తెరాస పార్లమెంటరీ నేత కేకే