ఉప్పల్​లో లాక్​డౌన్ పరిస్థితిని పరిశీలించిన సీపీ మహేశ్ భగవత్

లాక్​డౌన్​ ప్రభావంతో నగరంలో అన్ని చోట్ల దుకాణాలు మూసివేశారు. పోలీసులు రహదారులపై బారికేడ్లు ఏర్పాటు చేశారు. ఉప్పల్​లో లాక్‌డౌన్‌ అమలును రాచకొండ పోలీస్ కమిషనర్​ మహేశ్ భగవత్ పర్యవేక్షించారు.

కరోనా కట్టడి కోసం రాష్ట్ర ప్రభుత్వం ప్రకటించిన లాక్​డౌన్​ను కచ్చితంగా అమలు చేసేందుకు ప్రజలు పూర్తి సహకారం అందించాలని రాచకొండ పోలీస్ కమిషనర్​ మహేశ్ భగవత్ కోరారు. ఉప్పల్​లోని మేడిపల్లి పోలీస్ స్టేషన్ల పరిధిలో లాక్​డౌన్​ పరిస్థితిని ఆయన పరిశీలించారు.

వ్యాపార సముదాయాలు ఉదయం పది గంటలకే మూసివేయాలని లేదంటే చర్యలు తీసుకుంటామని హెచ్చరించారు. ఉదయం 6 గంటల నుంచి 10 గంటల వరకు రైతు బజార్, రేషన్ దుకాణాలు, నిత్యావసర వస్తువుల దుకాణాలు తెరిచి ఉంటాయని తెలిపారు. వాటికి గుంపులుగా వెళ్లకూడదని సూచించారు. ఎలాంటి ఇబ్బందులు ఉన్నా 9490617234కు ఫోన్ చేయాలని సీపీ కోరారు.

ఇదీ చూడండి:లైవ్​అప్​డేట్స్​:రాష్ట్రంలో పలుచోట్ల వలస కార్మికుల ఇబ్బందులు