కరోనా బాధితుల మృతదేహాలను చెత్త ట్రాక్టర్లో తరలింపు
శ్రీ పొట్టి శ్రీరాములు నెల్లూరు జిల్లా కావలిలో అమానుష ఘటన చోటుచేసుకుంది. కావలి ఏరియా ఆస్పత్రి నుంచి కరోనా మృతదేహాలను చెత్త తరలింపుకు వినియోగించే ట్రాక్టర్లో మున్సిపల్ సిబ్బంది తరలించారు. ప్రభుత్వ ఆదేశాలను ఏ మాత్రం పట్టించుకోకుండా దారుణంగా ప్రవర్తించారు.
కావలి ఏరియా ఆస్పత్రిలో ఇద్దరు వ్యక్తులు కరోనాతో మరణించారు. వారి మృతదేహాలను ఖననం చేసేందుకు మున్సిపల్ సిబ్బంది మున్సిపాలిటీ చెత్త ట్రాక్టర్లో తరలించారు. మున్సిపల్, ఆసుపత్రి సిబ్బంది తీరుపై విమర్శలు వెల్లువెత్తున్నాయి. కరోనా మృతదేహాలను అంబులెన్స్లో తరలించాలని నిబంధన ఉంది. కానీ ఈ నిబంధనను నెల్లూరు జిల్లాలో కొన్ని చోట్ల అధికారులు పాటించడం లేదు. గతంలో కూడా కరోనాతో చనిపోయిన వారి మృతదేహాలను పెన్నానదిలో జేసీబీతో పూడ్చిపెట్టిన విషయం తెలిసిందే.