భాగ్యనగరంలో విస్తరిస్తున్న కరోనా.. అప్రమత్తమైన అధికారులు

హైదరాబాద్ నగరంలో కరోనా వైరస్ రోజురోజుకూ విజృంభిస్తోంది. బస్తీల్లోని పలు కుటుంబాలు కరోనా బారిన పడుతున్నారు. జీహెచ్ఎంసీ అధికారులు చర్యలు ముమ్మరం చేశారు. ఈ తరుణంలో ఖైరతాబాద్​లోని పలు బస్తీల్లో అధికారులు పర్యటించారు. బస్తీల్లోని ప్రజలకు అవగాహన కల్పిస్తూ... ప్రతి ఇంట్లో ఉన్న వారికి వైద్య పరీక్షలు నిర్వహిస్తున్నారు. మరింత సమాచారం ఈటీవీ భారత్​ ప్రతినిధి కార్తీక్ అందిస్తారు.

భాగ్యనగరంలో కరోనా కేసులు పెరుగుతున్న నేపథ్యంలో జీహెచ్ఎంసీ అధికారులు అప్రమత్తమయ్యారు. ఖైరతాబాద్​లోని పీజేఆర్​ నగర్​లో తాజాగా 8 మందికి కొవిడ్​ పాజిటివ్​ వచ్చింది. ఈ నేపథ్యంలో ఆ ప్రాంతంలో జీహెచ్ఎంసీ మున్సిపల్​ డిప్యూటీ కమిషనర్ గీతా రాధిక పర్యటించారు.

ఆ బస్తీలోని ఇళ్లకు వెళ్లి నర్సులతో పరీక్షలు నిర్వహించారు. వారికి కరోనా గురించి అవగాహన కల్పించామని ఆమె తెలిపారు.

ఇదీ చూడండి :ఆ పేరు ముఖ్యమంత్రి కేసీఆర్​కే సార్థకమైంది: కేటీఆర్​