హుజూర్నగర్ ఉపఎన్నికపై ఎన్నో ఆశలు పెట్టుకున్న కాంగ్రెస్ పార్టీకి చివరికి నిరాశే ఎదురైంది. నైరాశ్యంలో ఉన్న శ్రేణులను ఉత్తేజపరచాలని భావించింది. తామే ప్రధాన ప్రతిపక్షమని చెబుతున్న భాజపాకు గట్టి సమాధానం ఇవ్వాలని చూసింది. ప్రదేశ్ కాంగ్రెస్ కమిటీ అధ్యక్షుడిగానూ.. సిట్టింగ్ స్థానాన్ని నిలబెట్టుకొని విజయ సారథి కావాలనుకున్న ఉత్తమ్ వ్యూహాలు ఫలించలేదు.
సీటు ఎంపికలోనే కొరవడిన అనైక్యత...
కాంగ్రెస్ పార్టీకి హుజూర్నగర్ ఉపఎన్నిక అభ్యర్థి ఎంపిక పరిణామాలే తొలినుంచి నాటకీయంగా మారాయి. సిట్టింగ్ స్థానంలో పద్మావతికి టికెట్‌ తెప్పించుకోవడంలో ఉత్తమ్ సఫలమయ్యారు. కానీ, రేవంత్‌రెడ్డి తదితరులు బహిరంగంగానే వ్యతిరేకించారు. ఆమెకు టికెట్‌ ఎలా ఇస్తారని గళమెత్తారు. రేవంత్‌ తీరును నల్గొండ కాంగ్రెస్ సీనియర్‌ నేతలు తప్పుపట్టారు. కోమటిరెడ్డి బ్రదర్స్‌తోపాటు జానారెడ్డి ఉత్తమ్కు అండగా నిలిచారు. అధిష్ఠానం సైతం రేవంత్‌తోపాటు అంతా పద్మావతి అభ్యర్థిత్వాన్ని సమర్థించాల్సిందేనని స్పష్టం చేసింది. ఎంతచేసినా చివరకు పద్మావతికి ఓటమి తప్పలేదు.
రాష్ట్రంలో నెలకొన్న పరిణామాలను పట్టుకోవడంలో విఫలం..