భాజపాలోకి వలసలు: రాములమ్మ ఓకేనట.. జానా డౌటేనట!

విజయశాంతి రేపు లేదా ఎల్లుండి భాజపాలో చేరనున్నట్టు ఆ పార్టీ రాష్ట్ర అధ్యక్షుడు బండి సంజయ్ స్పష్టం చేశారు. జానారెడ్డి చేరికపై... ఇప్పటి వరకు తనకు ఎలాంటి సమాచారం లేదని బదులిచ్చారు.

భాజపాలోకి వలసలు భారీగా ఉన్నట్టు భాజపా రాష్ట్ర అధ్యక్షుడు బండి సంజయ్ మాటలను బట్టి తెలుస్తోంది. కాంగ్రెస్ ప్రచార కమిటీ ఛైర్​పర్సన్​ విజయశాంతి చేరిక ఇప్పటికే ఖరారైంది. రేపు లేదా ఎల్లుండి పార్టీ తీర్థం పచ్చుకోనున్నట్టు బండి సంజయ్ స్పష్టం చేశారు.

కాంగ్రెస్ సీనియర్ నేత, సీఎల్పీ మాజీ నేత కుందూరు జానారెడ్డి కూడా భాజపాలో చేరనున్నట్టు వార్తలు చక్కర్లు కొడుతున్నాయి. ఇదే విషయం బండి సంజయ్ వద్ద ప్రస్తావించగా... ఇప్పటి వరకు తనకు ఎలాంటి సమాచారం లేదన్నారు. జానారెడ్డి చేరినా... ఆయన కొడకు చేరినా... ఒకటేనని వ్యాఖ్యానించారు.

ఇదీ చూడండి:హైదరాబాద్​ను భాగ్యనగరంగా మార్చాల్సిందే: బండి సంజయ్