గుత్తాపై చర్యలు తీసుకోవాలి: ఈసీకి కాంగ్రెస్​ నేతల ఫిర్యాదు

శాసన మండలి ఛైర్మన్​ గుత్తా సుఖేందర్​ ఎన్నికల నియమావళిని ఉల్లంఘించారంటూ.. అతనిపై చర్యలు తీసుకోవాల్సిందిగా కాంగ్రెస్​ పార్టీ కేంద్ర ఎన్నికల సంఘాన్ని కోరింది. ఈ మేరకు పీసీసీ సీనియర్​ ఉపాధ్యక్షుడు నిరంజన్​ రాష్ట్ర ఎన్నికల ప్రధానాధికారిని కలిసి ఫిర్యాదు చేశారు.

శాసన మండలి ఛైర్మన్​ గుత్తా సుఖేందర్​ ఎన్నికల నియామవళిని ఉల్లంఘించారంటూ.. అతనిపై చర్యలు తీసుకోవాల్సిందిగా కాంగ్రెస్​ పార్టీ.. కేంద్ర ఎన్నికల సంఘాన్ని కోరింది. ఈ మేరకు పీసీసీ సీనియర్​ ఉపాధ్యక్షుడు నిరంజన్​ రాష్ట్ర ఎన్నికల ప్రధానాధికారిని కలిసి అతనిపై చర్యలు తీసుకోవాల్సిందిగా ఫిర్యాదు చేశారు. మండలి ఛైర్మన్​గా ఉంటూ తన అధికారిక ఛాంబర్​లో మీడియా ప్రతినిధులతో మాట్లాడుతూ.. మునుగోడు ఉప ఎన్నికలో తెరాస 20వేల ఓట్లతో గెలుస్తుందని అన్నారని ఫిర్యాదు పేర్కొన్నారు.

రాజ్యాంగ బద్ధమైన పదవిలో ఉండి.. పార్టీలకు అతీతంగా బాధ్యతలు నిర్వర్తించాల్సిన మండలి ఛైర్మన్ తెరాసకు అనుకూలంగా మాట్లాడడమే కాకుండా అందుకు లెజిస్లేటివ్ కౌన్సిల్​లోని తన ఛాంబర్​ను ఉపయోగించుకోవడం తీవ్రమైన నేరమని వారు ఆరోపించారు. ఎన్నికల నిబంధనలు ఉల్లంఘించినందుకు గుత్తాపై కఠిన చర్యలు తీసుకుని కేసు నమోదు చేయాలని కాంగ్రెస్ నేతలు ఈసీని కోరారు.

ఇవీ చదవండి: