'రాజకీయ కక్షతోనే నాపై అక్రమ కేసులు పెట్టించారు'

హైదరాబాద్​ ట్యాంక్​బండ్​పై జరిగిన రిపోర్టర్​పై దాడి... అనుకోకుండా జరిగిందని కాంగ్రెస్​ నేత ఫిరోజ్​ఖాన్​ తెలిపారు. రాజకీయ కక్షతోనే తనపై అక్రమ కేసులు పెట్టించారని వాపోయారు. తాను జర్నలిస్టు మిత్రులతో స్నేహపూర్వకంగానే ఉంటానాని తెలిపారు.

ఓ జర్నలిస్ట్​పై దాడి కేసులో రాజకీయ కక్షతోనే తనపై అక్రమ కేసులు పెట్టించారని కాంగ్రెస్ పార్టీ నాయకుడు ఫిరోజ్ ఖాన్ ఆరోపించారు. సీఎం కేసీఆర్​కు ఎంపీ అసదుద్దీన్ ఓవైసీ ఫోన్ చేయించి... డీజీపీ ప్రమేయంతో కేసులు పెట్టి జైలులో పెట్టాలని చూశారని ఆక్షేపించారు. మొత్తం తనపై ఏడు కేసులు పెట్టారని... అందులో పోలీసుల విధులకు ఆటకం కలిగించానని నాన్ బెయిలేబుల్ కేసు నమోదు చేశారని పేర్కొన్నారు. ఈ అక్రమ కేసు గురించి న్యాయమూర్తి ముందు వివరించానని... మిగతా కేసులపై తనకు బెయిల్ మంజూరు చేసినట్లు తెలిపారు.

ట్యాంక్​ బండ్​పై జరిగిన కొవొత్తుల నిరసనలో ఉత్తమ్ కుమార్ రాగానే పెద్ద సంఖ్యలో కాంగ్రెస్ కార్యకర్తలు రావటం వల్ల... వారిని తోసివేశానని అందులో ఎఎన్ఐ రిపోర్టర్ కూడా ఉన్నారని పేర్కొన్నారు. ఈ సందర్భంగా... రిపోర్టర్ తనతో దురుసుగా ప్రవర్తించడం వల్ల... తానూ దురుసుగా మాట్లాడాన్నారు. ఈ క్రమంలోనే తమ కార్యకర్తలు రిపోర్టర్​పై దాడి చేశారని తెలిపారు. తాను జర్నలిస్టు మిత్రులతో స్నేహపూర్వకంగా ఉంటానాని... రిపోర్టర్​పై దాడి అనుకోకుండా జరిగిందన్నారు. కాంగ్రెస్ పార్టీలో చురుకుగా పాల్గొంటున్నానని ప్రభుత్వం తనపై కక్ష సాధించాలని చూసిందని తెలిపారు.

ఇదీ చూడండి: అసెంబ్లీ నియోజకవర్గాల వారీగా పెరగనున్న పోలింగ్ కేంద్రాలు