ఇరువర్గాల మధ్య తోపులాట.. పోలీసుల లాఠీఛార్జ్

ఏపీ గుంటూరు జిల్లా సత్తెనపల్లి మండల పరిధిలోని ఫణిధం గ్రామంలో పోలీసులు లాఠీఛార్జీ చేశారు. వైకాపా-తెదేపా వర్గీయుల మధ్య తోపులాట జరగడం వల్ల పోలీసులు ఇరువర్గాలను చెదరగొట్టారు.

ఏపీలోని గుంటూరు జిల్లా సత్తెనపల్లి మండలం ఫణిధంలో పోలింగ్ కేంద్రం వద్ద ఇరువర్గాల మధ్య తోపులాట జరిగింది. వైకాపా నాయకులు దొంగ ఓట్లు వేస్తున్నారని ఆరోపిస్తూ తెదేపాకు చెందిన పలువురు పోలింగ్ సెంటర్​లోకి దూసుకెళ్లారు.

ఈ క్రమంలో ఇరువర్గాల మధ్య వాగ్వాదం జరిగింది. అక్కడే ఉన్న పోలీసులు రంగప్రవేశం చేసి లాఠీఛార్జీ చేశారు. పోలింగ్ కేంద్రం నుంచి ఇరువర్గాలను పంపించటం వల్ల వివాదం సద్దుమణిగింది.

ఇవీచూడండి:ఏపీ పల్లె పోరు: మధ్యాహ్నం 12.30 గంటల వరకు పోలింగ్ శాతం ఇలా..