మంత్రి శ్రీనివాస్​గౌడ్​పై హెచ్చార్సీలో ఫిర్యాదు

మంత్రి శ్రీనివాస్ గౌడ్, అతని సోదరుడు శ్రీకాంత్ గౌడ్, మహబూబ్​నగర్ పోలీసులపై రాష్ట్ర హెచ్చార్సీలో ఫిర్యాదు నమోదైంది. అక్రమంగా ఎస్సీ, ఎస్టీ అట్రాసిటీ కేసులు పెట్టిస్తున్నారని బాధితులు కమిషన్ దృష్టికి తీసుకెళ్లారు.

పర్యటక శాఖ మంత్రి శ్రీనివాస్ గౌడ్, అతని సోదరుడు శ్రీకాంత్ గౌడ్, మహబూబ్​నగర్ పోలీసులపై పలువురు బాధితులు రాష్ట్ర మానవ హక్కుల కమిషన్​లో ఫిర్యాదు చేశారు. జిల్లాలో మంత్రి అండదండలతో భూకబ్జాలు చేస్తున్నారని ప్రశ్నించినందుకు.. తమపై అక్రమంగా ఎస్సీ, ఎస్టీ అట్రాసిటీ కేసులు పెట్టిస్తున్నారని బాధితులు కమిషన్ దృష్టికి తీసుకెళ్లారు.

మహబూబ్​నగర్ డీఎస్పీ, సీఐ, ఎస్సై.. మంత్రి ఆదేశాల మేరకు బీసీలైన తమపై కేసులు పెడుతూ జైళుకు పంపిస్తున్నారని బాధితులు కృష్ణ ముదిరాజ్, గోనెల శ్రీనివాస్ తదితరులు ఆవేదన వ్యక్తం చేశారు. కేసును స్వీకరించిన హెచ్చార్సీ.. మార్చ్ 15లోపు ఈ విషయంపై విచారణ జరిపి నివేదిక సమర్పించాలంటూ డీజీపీకి ఆదేశాలు జారీ చేసింది.

ఇదీ చూడండి: లైవ్ వీడియో: అమ్ములును ఎత్తుకెళ్లిందెవరు? ఏం చేశారు?