'దిశ' కేసులో కీలక సాక్ష్యాలు... దిల్లీకి ఎన్​హెచ్​ఆర్సీ బృందం

దిశ ఎన్​కౌంటర్​పై విచారణ చేసేందుకు హైదరాబాద్​కు వచ్చిన ఏడుగురు సభ్యుల జాతీయ మానవ హక్కుల కమిషన్​ బృందం పర్యటన ముగిసింది. పూర్తి స్థాయి నివేదికను ఎన్​హెచ్​ఆర్సీకి సమర్పించనుంది. కోరితే సుప్రీంకోర్టుకు కూడా నివేదిక అందించేందుకు బృందం సిద్ధంగా ఉంది.

జాతీయ మానవ హక్కుల కమిషన్ సభ్యుల హైదరాబాద్ పర్యటన ముగిసింది. ఈ రోజు సాయంత్రం 4 గంటలకు దిల్లీకి తిరుగు పయనం కానున్నారు. దిశ నిందితుల ఎన్​కౌంటర్​పై నిజ నిర్ధారణకు వచ్చిన బృందం... నాలుగు రోజులపాటు పలు అంశాలపై వివరాలు సేకరించారు. సంఘటనా స్థలంతోపాటు మృతదేహాలను బృందం పరిశీలించింది. మృతుల కుటుంబ సభ్యులతోపాటు దిశ తండ్రి, చెల్లితోనూ వివరాలు సేకరించారు.

ఎన్​కౌంటర్​లో పాల్గొన్న పోలీసుల వివరాలను సేకరించడంతోపాటు పంచనామా నిర్వహించిన తహసీల్దార్లను ప్రశ్నించారు. మృతులకు డీఎన్ఏ, ఫోరెన్సిక్ నివేదికను ఇంకా రానందున... వాటిని పోస్ట్​లో దిల్లీకి పంపించాలని సైబరాబాద్ పోలీసులను ఆదేశించారు. పూర్తిస్థాయి నివేదికను మానవ హక్కుల కమిషన్​కు సమర్పించనున్నారు. ఒకవేళ సుప్రీంకోర్టు ఆదేశిస్తే... ఉన్నత న్యాయస్థానానికి నివేదక అందింజేసేందుకు నిజనిర్దారణ కమిటీ సిద్ధంగా ఉంది.

ఇదీ చూడండి: షాద్​నగర్ కేసులో కీలకమలుపు... 'అస్థీకరణ'తోనే అసలు నిజం!