పార్లమెంటు సమావేశాల దృష్ట్యా రేపు తెరాస ఎంపీలతో సీఎం కేసీఆర్​ భేటీ

CM KCR Meet With MPs: ఈ నెల 18 నుంచి జరగనున్న పార్లమెంటు సమావేశాల దృష్ట్యా.. రేపు మధ్యాహ్నం ఒంటిగంటకు ప్రగతిభవన్‌లో ఎంపీలతో సీఎం భేటీ కానున్నారు. ఉభయ సభల్లో తెరాస నేతలు అనుసరించాల్సిన విధివిధానాలపై ఎంపీలకు సీఎం దిశానిర్దేశం చేయనున్నారు.

CM KCR Meet With MPs: రేపు తెరాస ఎంపీలతో ముఖ్యమంత్రి కేసీఆర్ సమావేశం కానున్నారు. ఈ నెల 18 నుంచి జరగనున్న పార్లమెంటు సమావేశాల దృష్ట్యా.. రేపు మధ్యాహ్నం ఒంటిగంటకు ప్రగతిభవన్‌లో ఎంపీలతో సీఎం భేటీ కానున్నారు. ఉభయసభల్లో తెరాస నేతలు అనుసరించాల్సిన విధివిధానాలపై దిశానిర్దేశం చేసేందుకు.. ఆ పార్టీ పార్లమెంట్ (రాజ్యసభ, లోక్ సభ) సభ్యులతో ముఖ్యమంత్రి సమావేశం అవుతారు.

లోక్​సభ, రాజ్యసభల్లో తెరాస ఎంపీలు అవలంబించాల్సిన పలు కీలక అంశాలపై సీఎం కేసీఆర్ దిశానిర్దేశం చేయనున్నారు. కేంద్ర ప్రభుత్వం అనుసరిస్తున్న ప్రజావ్యతిరేక విధానాలపై పోరాడాలని ఎంపీలకు సూచించనున్నారు. తెలంగాణపై వివక్షను ఎత్తిచూపేలా.. పార్లమెంటు వేదికగా కేంద్రప్రభుత్వ వైఖరిని ఎండగట్టాలని సూచించనున్నారు. ధాన్యం కొనుగోళ్లపైనా పోరాడాలని ఎంపీలకు తెలపనున్నారు.

• ఇవీ చూడండి :అల్లకల్లోలం.. వరద ముంపులో వందల గ్రామాలు