30 రోజుల ప్రణాళిక విజయవంతం: కేసీఆర్

పల్లెల్లో పచ్చదనం, పరిశుభ్రతను పెంచే లక్ష్యంతో సర్కారు అత్యంత ప్రతిష్ఠాత్మకంగా ప్రారంభించిన  30రోజుల కార్యాచరణ ప్రణాళిక దిగ్విజయంగా పూర్తయిందని ముఖ్యమంత్రి కేసీఆర్​ హర్షం వ్యక్తం చేశారు.

తెలంగాణ సర్కార్​ ప్రతిష్ఠాత్మకంగా చేపట్టిన 30 రోజుల ప్రత్యేక కార్యచరణ ప్రణాళికను విజయవంతం చేసిన వారందరికి ముఖ్యమంత్రి కేసీఆర్​ అభినందనలు తెలిపారు. ఈ కార్యక్రమం అమలుపై సంతృప్తి వ్యక్తం చేశారు. గ్రామాల అభివృద్ధికి నెలకు రూ.339 కోట్లు విడుదల చేసేందుకు ప్రభుత్వం కట్టుబడి ఉందని స్పష్టం చేశారు. 30 రోజుల ప్రణాళిక కార్యక్రమంలో విద్యుత్​ శాఖ ప్రథమ స్థానంలో నిలిచిందని అభినందించారు. గ్రామాల్లో పవర్​ వీక్​ నిర్వహించి విద్యుత్​ సమస్యలు పరిష్కరించిందని తెలిపారు. ఈ ప్రణాళిక విజయవంతం అవడంలో ముఖ్యపాత్ర పోషించిన అధికారులు, ప్రజాప్రతినిధులు, గ్రామ కార్యదర్శులు, ప్రజలకు అభినందనలు తెలిపారు. భవిష్యత్​నోనూ ఇదే స్ఫూర్తి కొనసాగించాలని కోరారు.

• ఇదీ చూడండి : జిల్లా కలెక్టర్లతో సీఎం కేసీఆర్ సమావేశం ప్రారంభం