ఈటల రాజేందర్‌కు పుట్టినరోజు శుభాకాంక్షలు చెప్పిన సీఎం కేసీఆర్​

భాజపా నేత, ఎమ్మెల్యే ఈటల రాంజేందర్​కు సీఎం కేసీఆర్​ పుట్టిన రోజు శుభాకాంక్షలు తెలిపారు. పలువురు భాజపా నేతలు, ఈటల అభిమానులు బర్త్​ డే విషెస్​ చెప్పారు.

భాజపా నేత, హుజూరాబాద్​ ఎమ్మెల్యే ఈటల రాజేందర్‌కు సీఎం కేసీఆర్‌ పుట్టినరోజు శుభాకాంక్షలు తెలిపారు. పుట్టినరోజు శుభాకాంక్షలు తెలుపుతూ ఈటలకు కేసీఆర్ లేఖ పంపారు. ఈటలకు ఆయురారోగ్యాలు ఇవ్వాలని భగవంతుడిని కోరుకున్నట్లు లేఖలో తెలిపారు.

పుట్టినరోజు శుభాకాంక్షలు తెలుపుతూ ఈటలకు కేసీఆర్ లేఖ

శామీర్​పేట్​లోని ఈటల రాజేందర్ నివాసంలో ఆయన జన్మదిన వేడుకలు ఘనంగా జరిగాయి. కేకు కట్​ చేసి బర్త్​డేను జరుపుకున్నారు. ఈ వేడుకల్లో ఈటల అభిమానులు, పార్టీ నేతలు పలువురు నాయకులు పాల్గొన్నారు.

ఈటల రాజేందర్​కు గవర్నర్ తమిళిసై పుట్టినరోజు శుభాకాంక్షలు తెలిపారు. భాజపా రాష్ట్ర అధ్యక్షుడు బండి సంజయ్​ ఈటల నిండు నూరేళ్లు ఆయురారోగ్యాలతో ఉండాలని... ప్రజాసేవలో తరించాలని భగవంతుడిని ప్రార్థిస్తున్నట్లు ట్వీట్ చేశారు.

ఈటల రాజేందర్​కు భాజపా ఎంపీ ధర్మపురి అర్వింద్ బర్త్​డే విషెస్​ చెప్పారు. భారత మాత సేవలో ఎల్లప్పుడూ విజయం సాధించాలని ఆకాంక్షించారు.

ఈటలకు మాజీ ఎంపీ, భాజపా నాయకురాలు విజయశాంతి పుట్టిన రోజు శుభాకాంక్షలు తెలిపారు. నిండు నూరేళ్లు ఆయురారోగ్యాలతో ఉండాలని భగవంతుడిని కోరుకున్నారు. బర్త్​ డే విషెస్ చెప్పిన వారందరికీ ఈటల రాజేందర్ ధన్యవాదాలు తెలిపారు.

ఇదీ చదవండి:నన్ను సస్పెండ్ చేస్తే.. రోజుకొకరి బండారం బయట పెడతా: జగ్గారెడ్డి