రూ. 3 లక్షల కోట్ల అప్పుందని నిరూపిస్తారా?

తెలంగాణలో అభివృద్ధి కనబడటం లేదా అని ముఖ్యమంత్రి కేసీఆర్​... కాంగ్రెస్​ ఎమ్మెల్యే భట్టి విక్రమార్కను ప్రశ్నించారు. ప్రపంచం మొత్తం రాష్ట్ర ప్రాజెక్టుల గురించి మాట్లాడుకుంటుంటే...ఒక్కటి కూడా కనబడటం లేదని ఎలా అంటున్నారని నిలదీశారు. లేనిది ఉన్నట్లు మాట్లాడితే సహించేది లేదని హెచ్చరించారు. 2 లక్షల కోట్ల అప్పును మూడు లక్షల కోట్లని చెబుతున్నారు... అది నిరూపిస్తారా అని సవాల్​ చేశారు.

రాష్ట్రంలో ఒక్క ప్రాజెక్టు కూడా కనిపించడం లేదంటున్నారని కాంగ్రెస్​ ఎమ్మెల్యే భట్టిపై ముఖ్యమంత్రి కేసీఆర్​ విరుచుకుపడ్డారు. మిషన్​ భగీరథ ప్రాజెక్టు కాదా అని ప్రశ్నించారు. ఒక్క ఏడాదిలో పూర్తి చేసిన భక్త రామదాసు ప్రాజెక్టు కనబడటం లేదా అని నిలదీశారు. 2 లక్షల కోట్ల అప్పును 3 లక్షల కోట్లుగా చెప్పి ప్రజలకు అవాస్తవాలు చేరేలా చేస్తున్నారని మండిపడ్డారు. ప్రాణహిత-చేవెళ్లకు అగ్రిమెంట్​ లేదని అందుకే రీడిజైన్​ చేశామని తెలిపారు. అప్పులు చేయకుండా ప్రాజెక్టులు ఎలా పూర్తవుతాయని ప్రశ్నించారు. అవసరమైతే ఇంకో రూ.20 వేల కోట్ల అప్పు కూడా తెస్తామన్నారు. పరిమితులకు లోబడే అప్పులు తీసుకొస్తున్నామని స్పష్టం చేశారు.

• ఇదీ చూడండి : 'మీరు చెప్పుడేంది... మేమే చెప్తున్నం'