ప్రగతిభవన్​లో ​త్రివర్ణ పతాకాన్ని ఆవిష్కరించిన ముఖ్యమంత్రి కేసీఆర్

74వ స్వాతంత్య్ర వేడుకలు ప్రగతిభవన్​లో నిరాడంబరంగా జరిగాయి. ముఖ్యమంత్రి కేసీఆర్​ జాతీయ పతాకాన్ని ఆవిష్కరించనున్నారు. పంద్రాగస్టును పురస్కరించుకుని సికింద్రాబాద్‌ పరేడ్‌ మైదానంలోని ​సైనిక స్మారకం వద్ద ముఖ్యమంత్రి కేసీఆర్ నివాళి అర్పించారు.

కరోనా దృష్ట్యా రాష్ట్రంలో స్వాతంత్య్ర వేడుకలు నిరాడంబరంగా జరుగుతున్నాయి. ప్రగతిభవన్​లో ముఖ్యమంత్రి కేసీఆర్​ త్రివర్ణ పతాకాన్ని ఆవిష్కరించారు. కరోనా వ్యాప్తి నేపథ్యంలో గోల్కొండలో జరగాల్సిన వేడుకలు ప్రగతిభవన్‌కే పరిమితమయ్యాయి. ప్రభుత్వ ప్రధాన కార్యదర్శి సోమేశ్​కుమార్​, డీజీపీ మహేందర్ రెడ్డి, రాజ్యసభ సభ్యులు కె.కేశవరావు కార్యక్రమంలో పాల్గొన్నారు.

అంతకు ముందు సికింద్రాబాద్‌ పరేడ్‌ మైదానంలోని ​సైనిక స్మారకం వద్ద ముఖ్యమంత్రి కేసీఆర్ నివాళి అర్పించారు. స్మారకం వద్ద పుష్పాలు సమర్పించి స్వతంత్ర సమరయోధుల సేవలు గుర్తుచేసుకున్నారు.

ఇవీ చూడండి:ఎర్రకోటపై మువ్వన్నెల జెండా రెపరెపలు