రాష్ట్ర ప్రజలకు పలువురు రాజకీయ ప్రముఖులు దసరా శుభాకాంక్షలు(CM KCR Dussehra Wishes) తెలిపారు. తెలంగాణకు దసరా ప్రత్యేకమైన పండుగ అని ముఖ్యమంత్రి కేసీఆర్ అన్నారు. లక్ష్యసాధనలో విశ్రమించకూడదనేది దసరా స్ఫూర్తి అని చెప్పారు. తెలంగాణ ప్రజానీకానికి ఆరోగ్యం, సిరిసంపదలు కలగాలని దుర్గాదేవిని ప్రార్థించినానని పేర్కొన్నారు.
"దసరాను మించిన పండుగ లేదు. హిందువులకు అతిపెద్ద పండుగ. ప్రజలంతా సుఖసంతోషాలతో, ఆనందంగా జరుపుకోవాలి. దసరా పండుగలో సంస్కృతి, సంప్రదాయంతో పాటు ఆత్మీయత కూడా ఉంటుంది. చెడుపై మంచి విజయానికి ప్రతీక ఈ పండుగ. సంక్షేమం, అభివృద్ధి రెండు కళ్లలాగా.. తెలంగాణ రాష్ట్రం దేశంలోనే అగ్రగామిగా నిలవాలి. రాష్ట్ర ప్రజలకు అమ్మ ఆశీస్సులు కలగాలి. అందరికి దసరా శుభాకాంక్షలు" అని రాష్ట్ర ఆర్థిక మంత్రి హరీశ్ రావు విజయదశమి సందర్భంగా శుభాకాంక్షలు చెబుతూ ఓ వీడియో రిలీజ్ చేశారు.