పంచాయతీ ఎన్నికలపై ఏపీ సీఎం జగన్ కీలక నిర్ణయం

పంచాయతీ ఎన్నికలపై.. సుప్రీం చేసిన వ్యాఖ్యలు, తీర్పుపై ఏపీ ముఖ్యమంత్రి జగన్​ మంత్రులు, అధికారులపై చర్చించారు. ఎస్‌ఈసీకి సహకరించాలని సీఎం నిర్ణయం తీసుకున్నారు.

ఏపీలో పంచాయతీ ఎన్నికలకు సుప్రీంకోర్టు పచ్చజెండా ఊపిన నేపథ్యంలో.. ఎలా ముందుకెళ్లాలనే అంశంపై ముఖ్య నేతలు, అధికారులతో ఏపీ సీఎం జగన్ అత్యవసర సమీక్ష నిర్వహించారు. తాడేపల్లిలోని క్యాంపు కార్యాలయంలో జరిగిన ఈ సమావేశంలో.. ఆంధ్రప్రదేశ్​ పంచాయతీరాజ్ శాఖ మంత్రి పెద్దిరెడ్డి రామచంద్రారెడ్డి, డీజీపీ గౌతమ్ సవాంగ్​తో పాటు అడ్వొకేట్ జనరల్ శ్రీరామ్ పాల్గొన్నారు. విచారణ సందర్భంగా కోర్టు వెల్లడించిన అభిప్రాయాలు, తీర్పుపై చర్చించారు.

ఎన్నికల సంఘానికి సహకారం అందించాలా?... వద్దా?.. అనే అంశంపై అభిప్రాయాలు సేకరించారు. అనంతరం పంచాయతీ ఎన్నికల్లో ఎస్‌ఈసీకి సహకరించాలని సీఎం నిర్ణయం తీసుకున్నారు.

ఇవీచూడండి:'ఎన్నికలు జరగాల్సిందే... మీ యుద్ధంలో మేం భాగస్వామ్యం కాబోము'