సీఎం ఇంటి ముట్టడికి భజరంగ్​దళ్ కార్యకర్తల యత్నం.. అరెస్ట్

హైదరాబాద్​లోని లోటస్ పాండ్​లో ఉన్న ముఖ్యమంత్రి జగన్ ఇంటి వద్ద ఉద్రిక్త వాతావరణం నెలకొంది. ఏపీ మంత్రి కొడాలి నానిని మంత్రి పదవి నుంచి తప్పించాలంటూ భజరంగ్‌దళ్‌ డిమాండ్‌ చేసింది. ఈ క్రమంలోనే భజరంగ్‌దళ్ కార్యకర్తలు, పోలీసులకు మధ్య తోపులాట, వాగ్వాదం జరిగ్గా.. పలువురు నేతలను పోలీసులు అరెస్ట్ చేశారు.

హైదరాబాద్​లోని ఆంధ్రప్రదేశ్ సీఎం జగన్ ఇంటి వద్ద.. ఉద్రిక్త వాతావరణం నెలకొంది. ఏపీకి జగన్ సీఎం అయ్యాక మతమార్పిడులు, ఆలయాలపై దాడులు పెరిగాయంటూ.. భజరంగ్ దళ్ నిరసనకు దిగింది. లోటస్​పాండ్‌లోని జగన్ ఇంటి ముట్టడికి పిలుపునిచ్చింది. దీంతో తెలంగాణ పోలీసులు ముందస్తు భద్రత ఏర్పాటు చేశారు.

సుమారు 300 మంది పోలీసులను జగన్​ ఇంటి వద్ద మోహరించారు. లోటస్​పాండ్​కు సుమారు 200 మీటర్ల దూరంలో.. బారికేడ్లు ఏర్పాటు చేశారు. అయినప్పటికీ.. భజరంగ్ దళ్ కార్యకర్తలు ముందుకు దూసుకొచ్చారు. ఈ క్రమంలో భజరంగ్‌దళ్ కార్యకర్తలు, పోలీసులకు మధ్య తోపులాట, వాగ్వాదం జరిగాయి. వారిని పోలీసులు అరెస్టు చేశారు.

ఇదీ చదవండి: