జగన్ అక్రమాస్తుల కేసు విచారణ ఈనెల 27కు వాయిదా

హైదరాబాద్ సీబీఐ, ఈడీ కోర్టులో సీఎం జగన్ అక్రమాస్తుల కేసు విచారణ ఈనెల 27కి వాయిదా పడింది. నాంపల్లి మెట్రోపాలిటన్ సెషన్స్ కోర్టులోని ఈడీ కేసును నవంబరు 9కి వాయిదా వేశారు.

హైదరాబాద్ సీబీఐ, ఈడీ కోర్టులో జగన్ అక్రమాస్తుల కేసు విచారణ ఈనెల 27కి వాయిదా పడింది. సీబీఐ, ఈడీ కోర్టు న్యాయమూర్తి ఇవాళ సెలవులో ఉన్నారు. కేసు తదుపరి విచారణను ఇన్​ఛార్జి న్యాయమూర్తి ఈనెల 27కి వాయిదా వేశారు. నాంపల్లి మెట్రోపాలిటన్ సెషన్స్ కోర్టులోని ఈడీ కేసు నవంబరు 9కి వాయిదా పడింది.

అరబిందో, హెటిరో సంస్థలకు భూకేటాయింపులకు సంబంధించిన ఈ కేసును కూడా సీబీఐ కోర్టుకు బదిలీ చేయాలని కోరుతూ జగతి పబ్లికేషన్స్ దాఖలు చేసిన పిటిషన్ హైకోర్టులో పెండింగ్​లో ఉంది. నవంబరు 5న హైకోర్టులో విచారణ జరిగే అవకాశం ఉందని న్యాయవాదులు తెలపడం వల్ల తదుపరి విచారణను నాంపల్లి కోర్టు నవంబరు 9కి వాయిదా వేసింది.

ఇవీ చూడండి: ఏపీ: న్యాయ వ్యవస్థపై యుద్ధమా?