తిరుమల శ్రీవారిని దర్శించుకున్న కేంద్ర మంత్రి కిషన్​రెడ్డి

తిరుమల శ్రీ వేంకటేశ్వర స్వామిని కేంద్ర మంత్రి కిషన్ రెడ్డి, ఏపీ ఉపముఖ్యమంత్రి నారాయణస్వామి దర్శించుకున్నారు. గ్రామీణ ప్రాంతాల్లో ధార్మిక కార్యక్రమాలను, ఆలయల నిర్మాణం, ధూపదీప నైవేద్యాలకు తితిదే సహకారం ఆందించాలని కిషన్ రెడ్డి కోరారు.

తిరుమల శ్రీవారిని కేంద్ర మంత్రి కిషన్‌ రెడ్డితో పాటు ఏపీ ఉపముఖ్యమంత్రి నారాయణస్వామి దర్శించుకున్నారు. ఈ ఉదయం వీఐపీ ప్రారంభ దర్శన సమయంలో స్వామివారి సేవలో పాల్గొన్నారు. తితిదే అధికారులు స్వాగతం పలికి ప్రత్యేక దర్శన ఏర్పాట్లు చేశారు. తీర్థప్రసాదాలను అందజేశారు.

కరోనా తగ్గుముఖం పడుతోందని.. ప్రజలందరూ కరోనా వ్యాక్సిన్​​ తీసుకోవాలని కిషన్‌ రెడ్డి సూచించారు. గ్రామీణ ప్రాంతాల్లో ధార్మిక కార్యక్రమాలను, ఆలయల నిర్మాణం, ధూపదీప నైవేద్యాలకు తితిదే సహకారం ఆందించాలన్నారు. శేషాచలంలోని ఎర్రచందనం కాపాడేందుకు ప్రభుత్వం కఠినంగా వ్యవహరించాలన్నారు.

ఇదీ చదవండి:ఉప్పల్‌లోని సీడీఎఫ్‌డీని సందర్శించిన ఉపరాష్ట్రపతి