వైభవంగా గోవిందరాజస్వామివారి వార్షిక బ్రహ్మోత్సవాలు

వార్షిక బ్రహ్మోత్సవాల్లో రెండో రోజు తిరుపతి గోవిందరాజస్వామివారు చిన్నశేషవాహనంపై భక్తులకు దర్శనమిచ్చారు. అర్చకులు శాస్త్రోక్తంగా వైదిక పూజలు ఏకాంతంగా నిర్వహించారు.

ఏపీలోని తిరుమల తిరుపతి గోవిందరాజస్వామివారి వార్షిక బ్రహ్మోత్సవాలు వైభవంగా కొనసాగుతున్నాయి. రెండవరోజు స్వామివారు చిన్నశేషవాహనంపై దర్శనమిచ్చారు. సర్వాలంకారభూషితుడైన గోవిందరాజస్వామి చిన్నశేషుడిని అధిరోహించి.. భక్తులను కటాక్షించారు. కరోనా ప్రభావంతో ఆలయంలోనే వాహన సేవలను ఏకాంతంగా నిర్వహిస్తున్నారు.

అర్చకులు శాస్త్రోక్తంగా వైదిక కార్యక్రమాలను పూర్తి చేశారు. అనంతరం ఉత్సవమూర్తులకు స్నపన తిరుమంజనం వేడుకగా నిర్వహించారు. మంగళ వాయిద్యాలు, వేదమంత్రోచ్చరణల మద్య అభిషేకాదులు, ధూపదీప నైవేద్యాలను సమర్పించారు.

ఇవీ చదవండి:లాక్​డౌన్​ 2.0: లక్ష కుటుంబాలపై తీవ్ర ప్రభావం