భాజపా ఆవిర్భావ వేడుకల్లో బండి సంజయ్
Bandi Sanjay News : ధాన్యం కొనుగోలు విషయంలో కేంద్ర ప్రభుత్వాన్ని అధికార తెరాస బద్నాం చేస్తోందని భాజపా రాష్ట్ర అధ్యక్షుడు, కరీంనగర్ ఎంపీ బండి సంజయ్ దుయ్యబట్టారు. హైదరాబాద్‌లో భాజపా రాష్ట్ర ఆవిర్భావ వేడుకల్లో పాల్గొన్నారు. కమలం పార్జీ జెండాను ఎగురవేశారు. సిద్ధాంతాల పునాదుల మీద పనిచేసే పార్టీలకే దేశంలో మనుగడ ఉందని స్పష్టం చేశారు.
BJP Formation Day 2022 : భారత్‌ను ప్రపంచంలోనే విశ్వగురువు స్థానంలో నిలిపేందుకు కృషి చేస్తున్న భాజపాను.. రాష్ట్రంలోనూ అధికారంలోకి తెచ్చేందుకు పార్టీ శ్రేణులు కృషి చేయాలని బండి సంజయ్ పిలుపునిచ్చారు. తెలంగాణ సర్కార్ అటు విద్యుత్ ఛార్జీలు.. ఇటు ఆర్టీసీ ఛార్జీలు పెంచి ప్రజలపై భారం మోపుతోందని మండిపడ్డారు. ఉద్యోగ నోటిఫికేషన్ల పేరుతో నిరుద్యోగులను మోసం చేస్తోందని విమర్శించారు.