మూసీ నది ప్రక్షాళన పేరుతో సీఎం మభ్యపెట్టారు:లక్ష్మణ్​

మూసీ నది, హుస్సేన్​సాగర్​ల ప్రక్షాళన పేరుతో ప్రజలను సీఎం కేసీఆర్​ మభ్యపెట్టారని భాజపా రాష్ట్ర అధ్యక్షుడు లక్ష్మణ్​ ఆరోపించారు. హుస్సేన్​సాగర్​ వద్ద కొబ్బరికాయలు కొట్టి ఆ నీటిని సాగర్​లో కలిపి నిరసన తెలిపారు.

నమామి మూసి ఉద్యమంలో భాగంగా భాజపా నేతలు వినూత్నరీతిలో నిరసన తెలిపారు. మూసీనది నగరంలోకి ప్రవేశించే బాపూఘాట్​ వద్ద రాష్ట్ర భాజపా అధ్యక్షుడు లక్ష్మణ్​, ఎమ్మెల్యే రాజాసింగ్​, డీకే అరుణ ఇతర నేతలు నదికి హారతినిచ్చారు. అక్కడి నుంచి ర్యాలీగా హుస్సేన్​సాగర్​కు చేరుకొని కొబ్బరికాయలు కొట్టి ఆ నీటిలో సాగర్​లో కలిపారు.

మూసీ నది, హుస్సేన్​ సాగర్​ల ప్రక్షాళన పేరుతో ప్రజలను ముఖ్యమంత్రి కేసీఆర్​ మభ్యపెట్టారని ఆరోపించారు. వీటిపై ప్రజలను చైతన్యవంతులను చేస్తామని లక్ష్మణ్​ తెలిపారు.

ఇవీచూడండి: 'మూసీ సుందరీకరణ కాదు.. శుద్ధీకరణ జరగాలి'