కాషాయ కార్యకర్తల వీరోచిత పోరాట ఫలితమే బల్దియా విజయం: బండి సంజయ్

సర్జికల్ స్ట్రైక్​ చేస్తామని చెప్పాం కానీ.. బల్దియా ఎన్నికల్లో సాఫ్రాన్ స్ట్రైక్ చేశామని భాజపా రాష్ట్ర అధ్యక్షుడు బండి సంజయ్ అన్నారు. కాషాయ కార్యకర్తల వీరోచిత పోరాట ఫలితమే జీహెచ్​ఎంసీ విజయమని తెలిపారు.

భాజపా కార్యకర్తల వీరోచిత పోరాటం వల్లే జీహెచ్​ఎంసీ ఎన్నికల్లో విజయం సాధించామని భాజపా రాష్ట్ర అధ్యక్షుడు బండి సంజయ్ అన్నారు. బల్దియాలో ప్రజాసమస్యలపై నిరంతర పోరాటం చేస్తామని తెలిపారు. వచ్చే అసెంబ్లీ ఎన్నికల్లో భాజపా అధికారం చేపడుతుందని ధీమా వ్యక్తం చేశారు.

రాష్ట్ర ప్రభుత్వంతో కుమ్మక్కైన బల్దియా కమిషనర్​, భాజపా కార్యకర్తలపై దాడులను అడ్డుకోలేని డీజీపీకి ఈ విజయం అంకితం చేస్తున్నామని బండి సంజయ్ అన్నారు. సీఎం కేసీఆర్ ఇప్పటికైనా గడీ నుంచి బయటకు రావాలని డిమాండ్ చేశారు. తెరాస పతనం, కౌంట్​డౌన్ ప్రారంభమైందని పేర్కొన్నారు.

• ఇదీ చూడండిభాజపాకు నగరప్రజలు బ్రహ్మరథం పట్టారు: ధర్మపురి అర్వింద్​