అంబేడ్కర్​ కృషి నిరుపమానమైనది: బండి సంజయ్​

అన్నివర్గాల్లో సమానత్వాన్ని తీసుకురావడంలో అంబేడ్కర్​ చేసిన కృషి నిరుపమానమైనదని భాజపా రాష్ట్ర అధ్యక్షుడు బండి సంజయ్​ తెలిపారు. పార్టీ నేతలు లక్ష్మణ్​, ఎమ్మెల్సీ రాంచందర్​రావు ఇతరులతో కలిసి పార్టీ రాష్ట్ర కార్యాలయంలో బాబా సాహెబ్​కు నివాళి అర్పించారు.

సమాజంలోని అన్నివర్గాల్లో సమానత్వాన్ని తీసుకురావడంలో అంబేడ్కర్​ చేసిన కృషి నిరుపమానమైనదని భాజపా రాష్ట్ర అధ్యక్షుడు బండి సంజయ్‌ అన్నారు.

భాజపా రాష్ట్ర కార్యాలయంలో రాజ్యాంగ నిర్మాత జయంతి వేడుకలను నిర్వహించారు. బండి సంజయ్‌, లక్ష్మణ్‌, ఎమ్మెల్సీ రాంచందర్‌రావు, ఇతర నేతలు హాజరై బాబాసాహెబ్​ చిత్రపటానికి పూలమాలలు వేసి నివాళులు అర్పించారు. అనంతరం బీజేవైఎం ఆధ్వర్యంలో ఏర్పాటు చేసిన రక్తదాన శిబిరాన్ని ప్రారంభించారు.

మే 3 వరకు పొడగించిన లాక్‌డౌన్‌కు ప్రజలు సహకరించాలని బండి సంజయ్‌ విజ్ఞప్తి చేశారు. పేదల ఆకలి తీర్చేందుకు పార్టీ శ్రేణులు పనిచేయాలని కోరారు.

ఇవీచూడండి:అంబేడ్కర్​ ఆలోచనలే దేశానికి రక్ష: భట్టి