కండక్టర్​ సురేందర్​ భౌతికకాయానికి పలువురు నేతల నివాళి

ఆర్టీసీ కండక్టర్​ సురేందర్​ గౌడ్​ మృతదేహాన్ని శవపరీక్ష అనంతరం... కార్వాన్​లోని ఆయన స్వగృహానికి తరలించారు. భాజపా, తెదేపా నేతలు సురేందర్​ భౌతికకాయానికి నివాళి అర్పించి...సంతాపం తెలిపారు.

ఆదివారం రోజు హైదరాబాద్​ కార్వాన్​లో ఇంట్లో ఉరి వేసుకుని ఆత్మహత్యకు పాల్పడిన కండక్టర్​ సురేందర్​ గౌడ్​ మృతదేహానికి పోస్టుమార్టం పూర్తయింది. ఉస్మానియా వైద్యులు ఆయన మృతదేహాన్ని కుటుంబ సభ్యులకు అప్పగించారు. పోలీసులు బందో బస్తు మధ్య కార్వాన్​లోని ఇంటికి సురేందర్​ భౌతిక కాయాన్ని తరలించారు. భాజపా రాష్ట్ర అధ్యక్షుడు లక్ష్మణ్​, ఎమ్మెల్సీ రాంచందర్​ రావు, ఎమ్మెల్యే రాజాసింగ్​, తెతెదేపా అధ్యక్షుడు ఎల్​.రమణ.. సురేందర్​ పార్థివదేహానికి నివాళి అర్పించి... సంతాపం తెలిపారు.

• ఇదీ చూడండి : శ్రీనివాస్​ రెడ్డి మృతిపై జనసేనాని స్పందన