నగరంలో బైక్​ రేసింగులతో రెచ్చిపోతున్న యువత.. పలువురు అరెస్ట్​..

Bike Racing in hyderabad: హైదరాబాద్​లోని పలు ప్రాంతాల్లో బైక్​ రేసింగ్​లు నడుస్తున్నాయి. రాత్రయితే చాలు బైకులతో రోడ్డెక్కేస్తున్న యువకులు.. రేసింగులు, విన్యాసాలంటూ నానా రచ్చ చేస్తున్నారు. వీటిపై పోలీసులు ఫోనక్​ ఫోకస్​ పెట్టారు. ఇప్పటికే పలువురు యువకులను అరెస్ట్​ చేశారు.

Bike Racing in hyderabad: బైక్ రేసింగ్ కల్చర్ ఇప్పుడు నగర నడిబొడ్డు వరకు పాకింది. ప్రధాన రహదారులపై యువకులు బైక్​ రేసింగులు, విన్యాసాలతో రెచ్చిపోతున్నారు. రాత్రి నుంచి తెల్లవారుజాము వరకు యువత రేసింగులకు పాల్పడుతూ.. వీరంగం సృష్టిస్తున్నారు. 100 నుంచి 150 ద్విచక్రవాహనాలతో రేసులకు పాల్పడుతూ.. విన్యాసాలు చేస్తూ.. రోడ్లపై ఇతర వాహనదారులను భయబ్రాంతులకు గురి చేస్తున్నారు. అధిక వేగంతో రయ్​రయ్​మంటూ చక్కర్లు కొడుతూ.. స్థానికులకు తీవ్ర ఇబ్బందులు కలుగజేస్తున్నారు.

ముఖ్యంగా సైదాబాద్, మాదన్నపేట, చంద్రాయణగుట్ట, డబీర్‌పురా, చాదర్‌ఘాట్, చంచల్ గూడ ప్రాంతాల్లో రాత్రంతా బైక్​ రేసింగులు జరుగుతున్నట్టు సమాచారం. సమాచారం అందుకున్న పోలీసులు ఆయా ప్రాంతాలపై నిఘుపెట్టారు. పలువురు యువకులను అరెస్టు చేసిన పోలీసులు.. రెండు వాహనాలను స్వాధీనం చేసుకున్నారు. నిత్యం రద్దీగా ఉండే చంచల్​గూడ జైల్ రోడ్డులో కొనసాగుతున్న యువకుల బైక్​ రేసింగ్​ అందరిని హడలెత్తిస్తోంది. ఈ ఘటనపై పోలీసులు వెంటనే స్పందించి కఠిన చర్యలు తీసుకోవాలని ప్రజలు కోరుతున్నారు.

ఇదీ చూడండి: