Bathukamma on burj Khalifa: నేడు బుర్జ్​ఖలీఫా భవనంపై బతుకమ్మ వీడియో ప్రదర్శన

బతుకమ్మ ఘనతను మరోసారి విశ్వవేదిక(Bathukamma on burj Khalifa)పై చాటనున్నారు. ఎమ్మెల్సీ, తెలంగాణ జాగృతి అధ్యక్షురాలు కవిత ఆధ్వర్యంలో ప్రపంచంలోనే అత్యంత ఎత్తైన భవనం దుబాయ్​లోని బుర్జ్​ ఖలీఫాపై.. బతుకమ్మ(Bathukamma on burj Khalifa)ను ప్రదర్శించనున్నారు. ప్రపంచంలోనే అతిపెద్దదైన తెరపై బతుకమ్మకు సంబంధించిన వీడియోను.. ఒకేసారి లక్ష మంది వీక్షించనున్నారు.

తెలంగాణ పూల పండుగ బతుకమ్మ గొప్పతనాన్ని విశ్వ వేదికపై చాటేందుకు రంగం సిద్దమైంది. ఎమ్మెల్సీ కల్వకుంట్ల కవిత ఆధ్వర్యంలో నేడు దుబాయ్​లోని ప్రపంచంలోనే ఎత్తైన భవనం బుర్జ్ ఖలీఫాపై బతుకమ్మ(Bathukamma on burj Khalifa)ను ప్రదర్శించనున్నారు. బతుకమ్మ వీడియోను ప్రదర్శించబోయే తెర ప్రపంచంలోనే అతి పెద్దది కావటం గమనార్హం.

రాత్రి 9 గంటల 40 నిమిషాలకు.. మళ్లీ 10 గంటల 40 నిమిషాలకు రెండు సార్లు బుర్జ్ ఖలీఫా మీద బతుకమ్మ వీడియో ప్రదర్శిస్తారు. మూడు నిమిషాల నిడివి గల వీడియోలో.. తెలంగాణ బతుకమ్మ ప్రాశస్త్యం, విశిష్టత, సంబురాల సంస్కృతిని తెలియజేస్తారు. ముఖ్యమంత్రి కేసీఆర్​ చిత్రపటాన్ని కూడా మొత్తం సౌధంపై ప్రదర్శిస్తారు.

ఈ కార్యక్రమం కోసం కవిత ఇప్పటికే దుబాయ్​ చేరుకున్నారు. బతుకమ్మ ఖ్యాతిని ప్రపంచమంతటా చాటిచెప్పేందుకే ఈ కార్యక్రమం చేపట్టినట్టు కవిత వివరించారు.

దేశ విదేశాలకు చెందిన సుమారు లక్ష మంది ఒకేసారి బతుకమ్మను వీక్షించనున్నారు. ఈ కార్యక్రమంలో తెలంగాణకు చెందిన పలువురు ప్రజా ప్రతినిధులు, తెలంగాణ జాగృతి నాయకులు, ప్రవాస తెలంగాణ వాసులు పెద్ద ఎత్తున పాల్గొననున్నారు. యూఏఈ ప్రభుత్వ ప్రతినిధులు, పారిశ్రామికవేత్తలు సైతం ఈ కార్యక్రమానికి హాజరు కానున్నారు.

ఇదీ చూడండి: