ఉగాండాలో అట్టహాసంగా బతుకమ్మ సంబురాలు

తెలంగాణ బతుకమ్మ సంబురాలు ప్రపంచ వ్యాప్తంగా అట్టహాసంగా జరిగాయి. ఉగాండా దేశ రాజధాని కంపాలాలో తెలుగు ప్రజలు బతుకమ్మ పండుగను రంగరంగ వైభవంగా జరుపుకున్నారు.

ఉగాండా రాజధాని కంపాలాలో తెలంగాణ సంబురం బతుకమ్మ పండుగ ఉత్సవాలు ఘనంగా జరిగాయి. తెలంగాణ అసోసియేషన్​ ఆఫ్​ ఉగాండా ఆధ్వర్యంలో జరిగిన ఈ వేడుకల్లో ప్రాంతాలకతీతంగా మహిళలు, చిన్నారులు పాల్గొన్నారు. బతుకమ్మ పాటలు పాడుకుంటూ కోలాటాలు ఆడారు. అనంతరం పక్కనే ఉన్న కొలనులో బతుకమ్మలు నిమజ్జనం చేసి పోయిరావమ్మా... బతుకమ్మ అని పాడుతూ వీడ్కోలు పలికారు. అత్యంత అద్భుతంగా జరిగిన ఈ వేడుకలకు పాశ్చాత్యులు ముగ్ధులయ్యారు. మున్ముందు జరిగే ప్రతి సంబురంలో తాముకూడా భాగస్వాములవుతామని తెలిపారు.

• ఇదీ చూడండి : దేవరగట్టులో నెత్తురోడింది!