భారతదేశంలో ఇప్పటివరకు 18 ఏవై.4.2 వేరియంట్ కేసులు నమోదయ్యాయి. ఎక్కువగా కర్ణాటక, మహారాష్ట్ర, మధ్యప్రదేశ్లో ఈ తరహా కేసులు వెలుగుచూశాయి. అయితే తెలంగాణలోనూ చాపకింద నీరులా ఏవై4.2 వేరియంట్ విస్తరిస్తోందని.. కరోనా మూడో దశ తప్పదని పలువురు హెచ్చరిస్తున్నారు. అయితే సెప్టెంబరు, అక్టోబరు నెలల్లో ఏవై.4.2 కేసులు తెలంగాణలో నమోదు కాలేదని అధికారులు ధ్రువీకరించారు.
"తెలంగాణలో జూన్లో ఏవై.4.2 కరోనా వేరియంట్ కేసు ఒకటి నమోదైంది. కానీ అప్పటి నుంచి నేటి వరకు మళ్లీ ఆ వేరియంట్ కేసులు నమోదు కాలేదు."
-- శ్రీనివాసరావు, ప్రజారోగ్య సంచాలకులు
ఏవై.4.2. వేరియంట్ అంటే..
ఏవై.4.2. ఎక్కడి నుంచి వచ్చింది? ఎలా సంక్రమిస్తుంది? అసలు వైరస్ ఎలా మారుతుంది? వేరియంట్లు ఎలా పుట్టుకొస్తున్నాయి అని పరిశోధించడానికి.. ఇంగ్లాండ్లోని నార్తుంబ్రియా విశ్వవిద్యాలయం బృందం ఏప్రిల్లో ప్రయత్నించింది. అలా ఏవై.4.2 మూలాలు బయటపడ్డాయి. ముఖ్యంగా భారత్కు వెళ్లివచ్చిన ప్రయాణికుల నమూనాలను పరిశోధకులు విశ్లేషించారు. అప్పుడే.. భారత్లో కరోనా బీ.1.617 రకం (AY 4.2 coronavirus) వేరియంట్ విజృంభించినట్లు వారికి తెలిసింది. బీ.1.617నే ఆ తర్వాత డబ్ల్యూహెచ్ఓ.. డెల్టా వేరియంట్గా నామకరణం చేసింది. భారత్లో కరోనా సెకండ్ వేవ్కు డెల్టానే (Delta variant news) కారణం.
అయితే.. పరిశోధకులు సేకరించిన నమూనాలు డెల్టా వేరియంట్తో సరిపోలలేదు. అంటే.. వైరస్లో ఎన్నో ఉత్పరివర్తనాలు ఉన్నాయని, తాము పరిశోధించిన వాటిలో బీ.1.617కు చెందిన ఎన్నో ఉపరకాలున్నాయని తెలిసొచ్చింది.
ఈ డెల్టాలో(Delta variant news) తదనంతరం.. ఎన్నో జన్యుపర మార్పులు(Coronavirus news) చోటుచేసుకున్నాయని.. వాటిలో మరో రకమే ఇప్పుడు వెలుగుచూసిన 'ఏవై'(AY covid variant) అని గుర్తించారు. ఈ ఒక్క ఏవైలోనే (AY 4.2 coronavirus) 75 విభిన్న ఉపవంశాలు ఉన్నాయని, వీటిల్లో ఏవై.4 రకం యూకేను అతలాకుతలం చేస్తోందని శాస్త్రవేత్తలు వెల్లడించారు. గత కొద్దినెలలుగా.. అక్కడ వెలుగుచూస్తున్న కొత్త కేసుల్లో 63 శాతానికిపైగా వీటివే.
ఇదీ చూడండి:corona attack youth: యువతపై కరోనా పంజా.. 90 వేలకు పైగా బాధితులు
