ఈ సర్పంచి సీటు.. చాలా కాస్ట్లీ గురూ

ఏపీలోని నెల్లూరు జిల్లా కలిగిరి మండలం తెల్లపాడు సర్పంచి‌ పదవికి వేలం నిర్వహించారు. చరిత్రలో ఎన్నడూ లేని విధంగా రికార్డు ధర పలకింది ఈ హాట్​ సీట్​. ఏకంగా రూ.50.50 లక్షలకు సర్పంచ్ పదవిని దక్కించుకున్నాడు ఓ గ్రామస్థుడు.

ఏపీ పంచాయతీ ఎన్నికలు రసవత్తరంగా మారాయి. ఎకగ్రీవాలకు ప్రభుత్వం మొగ్గు చూపుతుంటే.. వీలైనన్నీ నామినేషన్లు వేయిస్తూ వైకాపా వ్యూహాలకు తెదేపా అడ్డుకట్ట వేస్తుంది. ఎన్నికలకు చాలా తక్కువ సమయమే ఉన్నందున.. పలు గ్రామాల్లో వేలం పాటలు జరగుతున్నాయి. తాజాగా నెల్లూరు జిల్లాల్లోని ఓ గ్రామ పంచాయతీకి జరిగిన వేలం అందరిని షాక్​కు గురిచేసింది. సర్పంచ్​ సీటు ఏకంగా రూ.50.50 లక్షలు పలికింది.

కలిగిరి మండలం తెల్లపాడు సర్పంచి‌ పదవికి వేలం నిర్వహించారు. ఈ వేలంలో రూ.50.50 లక్షలకు పదవిని ఓ గ్రామస్థుడు దక్కించుకున్నాడు. ఆ నిధులను గ్రామాభివృద్ధికి వినియోగించాలని నిర్ణయం తీసుకున్నారు.

ఇదీ చదవండి:పేద, బలహీన వర్గాల కోసం ప్రభుత్వం ఏమి చేయదా?